Fréttir

28. apríl 2017

Gegnumslag í Vaðlaheiðagöngum

Slegið var í gegn í Vaðlaheiðagöng­um seinni part­inn í dag. Fjár­málaráðherra og fjöl­marg­ir nú­ver­andi og fyrr­ver­andi þing­menn voru á staðnum auk þess sem al­menn­ingi var boðið að fylgj­ast með. Var farið inn aust­an meg­in og eft­ir að slegið var í gegn var gengið yfir haug­inn sem var sprengd­ur og tek­ist í hend­ur vest­an meg­in.

Kristján Möller, fyrr­ver­andi ráðherra sam­göngu­mála, seg­ir í sam­tali við mbl.is að þetta sé stór­kost­leg stund. „Maður seg­ir bara loks­ins loks­ins!“ seg­ir hann og bæt­ir við að margt baga­legt hafi komið upp á við vinn­una. „Það hef­ur mætt okk­ur allt sem get­ur mætt okk­ur við jarðgangna­gerð,“ seg­ir hann og nefn­ir heitt og kalt vatn sem hafi flætt úr göng­un­um, hrun og lé­leg set­lög.

„Það er af­rek að þetta var klárað miðað við allt sem hef­ur mætt okk­ur, en ég er mest þakk­lát­ur að eng­in slys hafi orðið,“ seg­ir Kristján og rifjar upp þegar hrun varð aust­an meg­in í göng­un­um og þau fyllt­ust af vatni. Seg­ir hann það hafa verið guðsmildi að eng­inn hafi slasast.

Kristján var ráðherra sam­göngu­mála árin 2007 til 2010 þegar unnið var að und­ir­bún­ings­vinnu fyr­ir göng­in í ráðuneyt­inu. Und­ir­bún­ing­ur fyr­ir fram­kvæmd­irn­ar sjálf­ar hófst svo 2012 og fyrsta spreng­ing­in var í júlí 2013.

Nú tek­ur við 15-16 mánaða lokafrá­gang­ur og seg­ir Kristján að bú­ast megi við opn­un gangn­anna á haust­mánuðum á næsta ári.

Fréttin birtist fyrst á mbl.is og ljósmyndir eru frá mbl.is.

Hér má sjá frétt á RÚV um áfangann.

Twitter Facebook
Til baka

 

Miklar breytingar í Smáralind.
08. september 2017

Miklar breytingar í Smáralind.

ÍAV hefur unnið að ýmsum verkefnum í Smáralindinni, samfellt frá apríl 2016. Helstu verkefnin eru breytingar á verslunarrýmum, endurbætur á göngum og tveir nýir inngangar í verslunarmiðstöðina, annar í NA horni 1. hæðar og hinn í SV horninu.

Flughermir, annar áfangi.
30. ágúst 2017

Flughermir, annar áfangi.

ÍAV er að byggja nýja flughermibyggingu fyrir Icelandair í Hafnarfirði og gengur það verk samkvæmt áætlun.

Ný vefur Marti Group
29. ágúst 2017

Ný vefur Marti Group

Nýlega var nýr vefur Marti Group opnaður og þar má meðal annars sjá myndband af gerð jarðgangna í Sviss, Belchentunnel sem er rúmir 3 km að lengd en Marti hefur hannað og smíðað kerfi sem gerir þeim kleift að klára alla þætti gangnanna í einni yfirferð.

Fréttasafn