Fréttir

09. janúar 2018

Stækkun Búrfellsvirkjunar

Stækkun Búrfellsvirkjunar samanstendur af greftri á aðkomuskurði, tveim lóðréttum göngum, neðanjarðar stöðvarhúsi, aðkomugöngum að því, frárennslisgöngum og frárennslisskurði.  Um áramót var búið að ljúka um 80 % af verkinu, þ.a.m. öllum neðanjarðar greftri.  Búið er að grafa stór hluta af aðrennslisskurðinum að og frá bráðarbyrðarstíflu sem í honum er. 

Lokumannvirki í skurðinum er uppsteypt og vinna við niðursetningu á lokum að hefjast, en eftir er að steypa upp efri beygju fyrir fallpípuna sem lokið er við að steypa inn.  Stöðvarhúsið er full uppsteypt og rykbundið.  Innivinna þar er að hefjast af fullum krafti.  Lóðréttu göngin eru fullboruð og er búið að koma fyrir stiga í kapalgögnum og verið að bora fyrir festingum fyrir kapla. 

Búið er að steypa forskál aðkomugagna og verið að vinna í tæknirýmum þar.  Lokið er að mestu vinnu við spennarýni og hús yfir kapalgöngum.  Verið er að leggja síðustu hönd á lokastyrkingar og frágang í frárennslisgöngum.  Búið er að grafa u.þ.b. 90% af fráveituskurði en nokkuð er eftir af vinnu við bergstyrkingar þar. 

Verkið hefur að mestu gengið samkvæmt áætlun en erfiðleikar eru í vinnu við styrkingar í frárennslisskurði vegna veðurs.

Ætlunin er að virkjunin fari í prufukeyrslu í lok apríl og svo í rekstur í júní á þessu ári.  Við höfum svo verktíma fram í september til að ljúka okkar verki í heild.  Þá þarf öll okkar aðstaða að vera farinn af staðnum.

Twitter Facebook
Til baka

 

GERVITUNGL TIL SÝNIS Á HÁSKÓLATORGI
12. janúar 2018

GERVITUNGL TIL SÝNIS Á HÁSKÓLATORGI

Þann 15. janúar næstkomandi gefst landsmönnum einstakt tækifæri til að skoða gervitungl á Háskólatorgi en um er að ræða hátæknitungl sem notað er við að mynda jörðina úr mikilli hæð. Tunglið kemur fyrir tilstuðlan starfsmanns ÍAV, Ara Jóhannessonar sem þjónustar jarðstöð Planet Labs fyrir hönd ÍAV. Jarðstöðin er staðsett á Ásbrú í Reykjanesbæ.

Flughermahús Icelandair, 2. áfangi
10. janúar 2018

Flughermahús Icelandair, 2. áfangi

ÍAV hefur skilað af sér öðrum áfanga af flughermabyggingu fyrir Icelandair í Hafnarfirði. Grafa þurfti fyrir og koma upp steyptum sökklum og botnplötu ásamt tilheyrandi jarðvinnu, bergfestum, innsteyptum boltum, grunnlögnum og öðru sem þurfti til.

Stækkun Búrfellsvirkjunar
09. janúar 2018

Stækkun Búrfellsvirkjunar

Stækkun Búrfellsvirkjunar samanstendur af greftri á aðkomuskurði, tveim lóðréttum göngum, neðanjarðar stöðvarhúsi, aðkomugöngum að því, frárennslisgöngum og frárennslisskurði. Um áramót var búið að ljúka um 80 % af verkinu, þ.a.m. öllum neðanjarðar greftri.

Kirkjusandsreitur
08. janúar 2018

Kirkjusandsreitur

Nýlega var undirritaður samningur milli ÍAV annars vegar og 105 Miðborgar og Íslandssjóða hins vegar, um uppbyggingu á Kirkjusandi í Reykjavík. Verkið felst i byggingu bílakjallara, um 140 íbúða auk þjónustu- og skrifstofubyggingar. Alls um 34.000 m2.

Fréttasafn