Fréttir

10. janúar 2018

Flughermahús Icelandair, 2. áfangi

ÍAV hefur skilað af sér öðrum áfanga af flughermabyggingu fyrir Icelandair í Hafnarfirði.

Grafa þurfti fyrir og koma upp steyptum sökklum og botnplötu ásamt tilheyrandi jarðvinnu, bergfestum, innsteyptum boltum, grunnlögnum og öðru sem þurfti til.

Einnig var útveguð og reist stálgrind og gengið frá ytri klæðningu með útveggjaeiningum, gluggum, hurðum, þaki með reyklúgum, áfellum og þakkanti og öðru sem þurfti til að byggingin yrði vind- og vatnsþétt. Að innan voru gólf vélslípuð með frágangsáfellum út við veggi. Allt stál var fullfrágengið,  málað og brunavarið. Að lokum voru milligólf krossviðsklædd.

Byggingin er tvískipt og mun annarsvegar hýsa flugherma og hinsvegar æfingarsal fyrir þjálfun flugliða Icelandair. Reistur var milliveggur sem skipti húsinu upp í tvo sali.

Icelandair stefnir að því að taka flugherminn í notkun sumarið 2018.

Verkefnastjóri var Þórunn Arnardóttir og byggingarstjóri Oddur H. Oddsson. Verkið var unnið fyrir Iceeignir. Eftirlit var Ferill verkfræðistofa.

Twitter Facebook
Til baka

 

GERVITUNGL TIL SÝNIS Á HÁSKÓLATORGI
12. janúar 2018

GERVITUNGL TIL SÝNIS Á HÁSKÓLATORGI

Þann 15. janúar næstkomandi gefst landsmönnum einstakt tækifæri til að skoða gervitungl á Háskólatorgi en um er að ræða hátæknitungl sem notað er við að mynda jörðina úr mikilli hæð. Tunglið kemur fyrir tilstuðlan starfsmanns ÍAV, Ara Jóhannessonar sem þjónustar jarðstöð Planet Labs fyrir hönd ÍAV. Jarðstöðin er staðsett á Ásbrú í Reykjanesbæ.

Flughermahús Icelandair, 2. áfangi
10. janúar 2018

Flughermahús Icelandair, 2. áfangi

ÍAV hefur skilað af sér öðrum áfanga af flughermabyggingu fyrir Icelandair í Hafnarfirði. Grafa þurfti fyrir og koma upp steyptum sökklum og botnplötu ásamt tilheyrandi jarðvinnu, bergfestum, innsteyptum boltum, grunnlögnum og öðru sem þurfti til.

Stækkun Búrfellsvirkjunar
09. janúar 2018

Stækkun Búrfellsvirkjunar

Stækkun Búrfellsvirkjunar samanstendur af greftri á aðkomuskurði, tveim lóðréttum göngum, neðanjarðar stöðvarhúsi, aðkomugöngum að því, frárennslisgöngum og frárennslisskurði. Um áramót var búið að ljúka um 80 % af verkinu, þ.a.m. öllum neðanjarðar greftri.

Kirkjusandsreitur
08. janúar 2018

Kirkjusandsreitur

Nýlega var undirritaður samningur milli ÍAV annars vegar og 105 Miðborgar og Íslandssjóða hins vegar, um uppbyggingu á Kirkjusandi í Reykjavík. Verkið felst i byggingu bílakjallara, um 140 íbúða auk þjónustu- og skrifstofubyggingar. Alls um 34.000 m2.

Fréttasafn