Fréttir

12. janúar 2018

GERVITUNGL TIL SÝNIS Á HÁSKÓLATORGI

Þann 15. janúar næstkomandi gefst landsmönnum einstakt tækifæri til að skoða gervitungl á Háskólatorgi en um er að ræða hátæknitungl sem notað er við að mynda jörðina úr mikilli hæð. Með myndunum verða til svokölluð fjarkönnunargögn sem byggjast á flóknum tölvumyndum sem nýtast t.d. við mjög margbrotnar landfræðilegar greiningar, við margs konar kortlagningu, greiningu umferðar á sjó og landi og einnig við greiningu ýmissa efnasambanda í lofthjúpi og á yfirborði jarðar. 

Margir ætla að gervitungl séu gríðarstór, sem þau hafa auðvitað verið og sum um tíu tonn að þyngd, en með aukinni þróun, og ekki síst með hagnýtingu nanó-tækni, hafa þau farið hratt minnkandi.  Gervitunglið á Háskólarorgi, sem heitir Planet Labs,  er mjög smátt miðað við „hefðbundin“ gervitungl eða aðeins um fjögur kílógrömm að þyngd og það er einungis 30 cm. á lengd og 10 cm. á breidd. Tunglinu er skotið á sporbaug með hefðbundnum eldflaugum og þeim komið til alþjóðlegu geimstöðvarinnar og þaðan sett á sporbaug í 500 kílómetra hæð yfir jörðu.  Þau fljúga síðan milli póla eða í Norður-Suður yfir jörðinni sem snýst frá austri til vesturs þannig að tunglin skanna jörðina alla einu sinni á sólarhring.

Það er íslenska fyrirtækið ÍAV sem hefur milligöngu um flutning á tunglinu til landsins en ÍAV þjónustar jarðstöð bandaríska fyrirtækisins Planet Labs sem rekur þessi tungl (www.planet.com), en jarðstöðin er á Ásbrú í Reykjanesbæ.  Á einum sólarhring senda gervitunglin sem Planet Labs rekur fimm til sex terabæt af gögnum og jarðstöð á Ásbrú tekur við hartnær helmingnum af þeim myndum.

Þess má geta að ÍAV sá um byggingu á Háskólatorgi þar sem gervitunglið verður sýnt. 

Hlusta á viðtal við Jón Atla Benediktsson rektor HÍ og prófessor í rafmagnsverkfræði

Hér má sjá frétt RÚV ásamt viðtali við Jón Atla. (Aðgengilegt til 15. apríl 2018)

Öllum er velkomið að koma á Háskólatorg að skoða gervitunglið dagana 15. til 18 janúar 

Twitter Facebook
Til baka

 

GERVITUNGL TIL SÝNIS Á HÁSKÓLATORGI
12. janúar 2018

GERVITUNGL TIL SÝNIS Á HÁSKÓLATORGI

Þann 15. janúar næstkomandi gefst landsmönnum einstakt tækifæri til að skoða gervitungl á Háskólatorgi en um er að ræða hátæknitungl sem notað er við að mynda jörðina úr mikilli hæð. Tunglið kemur fyrir tilstuðlan starfsmanns ÍAV, Ara Jóhannessonar sem þjónustar jarðstöð Planet Labs fyrir hönd ÍAV. Jarðstöðin er staðsett á Ásbrú í Reykjanesbæ.

Flughermahús Icelandair, 2. áfangi
10. janúar 2018

Flughermahús Icelandair, 2. áfangi

ÍAV hefur skilað af sér öðrum áfanga af flughermabyggingu fyrir Icelandair í Hafnarfirði. Grafa þurfti fyrir og koma upp steyptum sökklum og botnplötu ásamt tilheyrandi jarðvinnu, bergfestum, innsteyptum boltum, grunnlögnum og öðru sem þurfti til.

Stækkun Búrfellsvirkjunar
09. janúar 2018

Stækkun Búrfellsvirkjunar

Stækkun Búrfellsvirkjunar samanstendur af greftri á aðkomuskurði, tveim lóðréttum göngum, neðanjarðar stöðvarhúsi, aðkomugöngum að því, frárennslisgöngum og frárennslisskurði. Um áramót var búið að ljúka um 80 % af verkinu, þ.a.m. öllum neðanjarðar greftri.

Kirkjusandsreitur
08. janúar 2018

Kirkjusandsreitur

Nýlega var undirritaður samningur milli ÍAV annars vegar og 105 Miðborgar og Íslandssjóða hins vegar, um uppbyggingu á Kirkjusandi í Reykjavík. Verkið felst i byggingu bílakjallara, um 140 íbúða auk þjónustu- og skrifstofubyggingar. Alls um 34.000 m2.

Fréttasafn