Fréttir

ÍAV byggir grunnskóla í Garðabæ
03. júní 2004

ÍAV byggir grunnskóla í Garðabæ

Undirritaður hefur verið samningur um að ÍAV byggi Sjálandsskóla, nýjan grunnskóla fyrir Sjálands- og Grundarhverfi í Garðabæ. Verkið felst í uppsteypu og frágangi að utan og innan á fyrsta áfanga skólans sem verður tæplega 4.000 fermetrar að grunnfleti. Skólinn verður að meginhluta á tveimur hæðum.


27. maí 2004

ÍAV reisir leikskóla við Skógarlönd, Austur - Héraði

Þann 27. maí 2004 var undirritaður samningur milli Austur-Héraðs og Íslenskra aðalverktaka um byggingu nýs leikskóla á Egilsstöðum. Í kjölfarið var fyrsta skóflustungan tekin með aðstoð leikskólabarna á Austur-Héraði.

08. maí 2004

Verslunarmiðstöð á Egilsstöðum opnuð

Laugardaginn 8. maí var ný og glæsileg verslunarmiðstöð opnuð við Miðvang 13 á Egilsstöðum. ÍAV hófu byggingu hússins, sem er 1.800 fermetra stálgrindarhús í október sl. Um 20 manns unnu við verkið að jafnaði en byggingartíminn var mjög stuttur og gekk verkið mjög vel í alla staði.

07. maí 2004

Fyrsta skóflustungan að stækkun álvers við Grundartanga

Fyrsta skóflustungan var tekin í dag að væntanlegri stækkun álvers Norðuráls við Grundartanga úr 90 í 180 þúsund tonna framleiðslugetu. Samningar við ÍAV, á grundvelli útboðs, um jarðvegsframkvæmdir eru á lokastigi. Áætlað er að framkvæmdir hefjist strax eftir næstkomandi helgi.

26. apríl 2004

Þjónustuhús við Heilsustofnun NLFÍ í Hveragerði

ÍAV hafa hafið sölu á þjónustuhúsum við Heilsustofnun Náttúrulækningafélags Íslands, (HNLFÍ) í Hveragerði. Um er að ræða sérlega glæsileg raðhús, tveggja og þriggja herbergja, frá 86 til 111 fermetra hönnuð af Hróbjarti Hróbjartssyni arkitekt hjá VA arkitektum.

08. apríl 2004

Íbúðabyggingar á Austurlandi

Fyrrihluta árs 2004 hófu ÍAV uppbyggingu íbúða á Austurlandi. Alls hafa ÍAV fengið úthlutað lóð undir 151 íbúð í Bakkagerði í Reyðarfirði. Í Bakkagerði verða samkvæmt gildandi skipulagi 55 einbýlishús, 44 íbúðir í rað- og parhúsum og 52 íbúðir í fjölbýlishúsum. Fjölbýlishúsin verða lágreist, 2-3 hæðir með 5 til 16 íbúðum.

17. mars 2004

ÍAV og Þyrping í samstarf um uppbyggingu á Bílanaustsreitnum

ÍAV og Þyrping hafa gert með sér samstarfssamning í tengslum við kaup Þyrpingar á Bílanaustsreitnum svokallaða við Borgartún 26. Samstarfið felur í sér að ÍAV mun byggja fyrir Þyrpingu u.þ.b. 9.000 fermetra skrifstofu- og þjónustuhúsnæði á lóðinni en auk þess er gert ráð fyrir að ÍAV byggi og selji íbúðarhúsnæði sem einnig er gert ráð fyrir á reitnum.

14. mars 2004

Jarðvinnuverkefni í Reykjanesbæ

Stefán Friðfinnsson, forstjóri ÍAV, og Árni Sigfússon, bæjarstjóri í Reykjanesbæ, skrifuðu þann 14. mars undir samning um verk sem felst í að sprengja út og fjarlægja klöpp á lóð fyrirhugaðrar stálpípuverksmiðju á hafnarsvæðinu í Helguvík og nota í sjóvarnargarða, en ÍAV voru lægstbjóðendur í verkið.

11. mars 2004

Umfangsmikil uppbygging hafin

ÍAV hefja mikla uppbyggingu íbúðarhúsnæðis á Austurlandi Miðvikudaginn 10. mars var hafist handa við byggingu á einbýlishúsi við Vallargerði 17 á Reyðarfirði á vegum ÍAV. Húsið er það fyrsta sem mun rísa á Austurlandi á vegum fyrirtækisins. Samið var við Bragasyni ehf í Fjarðabyggð um að grafa grunninn.

29. janúar 2004

Fasteignaþjónusta ÍAV

ÍAV hafa hrundið af stað fasteignaþjónustu. Fasteignafélögum, húsfélögum og öðrum stærri fasteignaeigendum s.s. opinberum aðilum er boðið að gera þjónustusamning við ÍAV og samstarfsaðila um fasteignaþjónustu. Þjónustan sem í boði er felst m.a. í aðgengi að þjónustuborði sem er opið allan sólarhringinn fyrir viðskiptavini ÍAV.