Almennar fréttir

22. september 2021

Áfanga ll - Stapaskóli

ÍAV hefur undirritað samning við Reykjansbæ um uppbyggingu á áfanga ll við Stapaskóla á Dalsbraut 11-13. Flatarmál stækkunarinnar er 5600 m2 og mun stækkunin hýsa fullbúið íþróttahús sem rúmar fullan keppnisvöll í körfubolta með allt að 1.200 áhorfendur og 25 metra innisundlaug ásamt heitum pottum.

Helstu verkþætti eru eftirfarandi:

  • Aðstaða og jarðvinna: Aðstöðusköpun, uppsetning varnargirðinga, gröftur og fylling lagnaskurða, fyllingar innan og utan með sökklum, þjöppuð fylling.

  • Burðarvirki: Steypumót, járnbending, steinsteypa, einangrun, ísteyptir hlutir, stálvirki, stálplötur í þaki, stein- og kjarnaborun, sögun.

  • Lagnir: Frárennslislagnir, neyslukerfi, hitaveitukerfi, hreinlætisbúnaður, vatnsúðakerfi, loftræstikerfi, sundlaugakerfi.

  • Rafkerfi: Lagnaleiðir, lágspennukerfi, lýsingarkerfi, smáspennu- og sérkerfi, loftræsti[1]og hitakerfi.

  • Frágangur innan hús: Múrverk, trésmíði, járn- og blikksmíði, málun, innréttingar, innihurðir, gluggar og glerveggir, gólfefni, flísalögn og ýmis búnaður.

  • Frágangur utanhúss: Niðurrif, múrverk, frágangur útveggja, þakfrágangur, járn og blikksmíði, útihurðir, gluggar og gler.

Vinnan hefst strax og afhending verður 15. desember 2022.

Einnig má sjá umfjöllun um verkið á Víkurfréttir hér:
Fullbúið keppnishús og 25 metra sundlaug við Stapaskóla eftir 15 mánuði - Víkurfréttir (vf.is)

Twitter Facebook
Til baka

Seðlabanki Íslands
27. janúar 2023

Seðlabanki Íslands

Samningur um endurbætur og stækkun á byggingu Seðlabanka Íslands var undirritaður rafrænt þann 29. desember. Verkið felst í að rífa niður og endurbyggja rými á jarðhæð, 1. hæð og 2. hæð ásamt því að reisa nýbyggingu í hjarta bankans í tengslum við aðalinngang og móttöku.

Nýtt knattspyrnuhús fyrir íþróttafélagið Hauka
22. desember 2022

Nýtt knattspyrnuhús fyrir íþróttafélagið Hauka

Samningur um byggingu 1. áfanga nýs knatthúss fyrir íþróttafélagið Hauka á svæði félagsins á Völlunum í Hafnarfirði var undirritaður í ráðhúsi Hafnarfjarðar þann 28. nóvember. Um er að ræða reisingu og heildarfrágang á stálgrindarhúsi með steyptum veggjum yfir löglegan knattspyrnuvöll þar sem fram eiga að geta farið keppnisleikir í hvaða móti sem er. Enn fremur verður steypt þjónustubygging við enda vallarins sem ekki verður gengið frá að innan. Af tilefni undirritunar samningsins höfðu Hafnfirðingar látið baka glæsilega tertu í líki hússins

Fréttasafn