Almennar fréttir

15. október 2020

ÍAV afhendir Bjargi íbúðir í Hraunbæ

ÍAV afhenti þann 15. október 2020, Bjargi íbúðafélagi hses., fyrstu 28 íbúðirnar af alls 99 íbúðum við Hraunbæ 153-163.  Bjarg íbúðafélag er húsnæðissjálfseignarstofnun stofnuð af ASÍ og BSRB.  Verkið hófst sumarið 2019 og eru verklok áætluð í byrjun febrúar 2021.  Alls er um að ræða sex stigaganga, tveggja til fimm hæða, í hverjum stigagangi eru 9-24 íbúðir.  Húsin eru hefðbundin steypt hús, einangruð að utan og klædd álklæðningu, svalir eru forsteyptar.  Mikið er lagt upp úr góðri hljóðeinangrun því margar íbúðirnar snúa að Bæjarhálsi þar sem umferðarþungi er nokkur.  Þar má nefna þykka steinsteypta milliveggi, svalalokanir og sérstaklega einangrandi hurðir inn í íbúðirnar.  Í þeim stigagöngum sem eru fjórar hæðir eða meira er lyfta.

Twitter Facebook
Til baka

Seðlabanki Íslands
27. janúar 2023

Seðlabanki Íslands

Samningur um endurbætur og stækkun á byggingu Seðlabanka Íslands var undirritaður rafrænt þann 29. desember. Verkið felst í að rífa niður og endurbyggja rými á jarðhæð, 1. hæð og 2. hæð ásamt því að reisa nýbyggingu í hjarta bankans í tengslum við aðalinngang og móttöku.

Nýtt knattspyrnuhús fyrir íþróttafélagið Hauka
22. desember 2022

Nýtt knattspyrnuhús fyrir íþróttafélagið Hauka

Samningur um byggingu 1. áfanga nýs knatthúss fyrir íþróttafélagið Hauka á svæði félagsins á Völlunum í Hafnarfirði var undirritaður í ráðhúsi Hafnarfjarðar þann 28. nóvember. Um er að ræða reisingu og heildarfrágang á stálgrindarhúsi með steyptum veggjum yfir löglegan knattspyrnuvöll þar sem fram eiga að geta farið keppnisleikir í hvaða móti sem er. Enn fremur verður steypt þjónustubygging við enda vallarins sem ekki verður gengið frá að innan. Af tilefni undirritunar samningsins höfðu Hafnfirðingar látið baka glæsilega tertu í líki hússins

Fréttasafn