Almennar fréttir

16. júní 2008

ÍAV afhendir Pennanum hf. lyklana að nýju húsnæði

Þann 13.júní síðastliðinn var Ingþóri Ásgeirssyni framkvæmdastjóra verslunarsviðs Pennans og Guðríði Sigurðardóttur starfsmannastjóra Pennans afhentir lyklar að 1.500 fermetra framtíðarskrifstofuhúsnæði Pennans á annarri hæð í nýju skrifstofubyggingunni í Glæsibæ.  Penninn hyggst færa skrifstofur sínar þangað á næstu vikum. Frá ÍAV voru viðstaddir Kristján Arinbjarnar framkvæmdastjóri framkvæmdasviðs, Jón Örn Jakobsson verkefnastjóri, Guðmundur Pálsson skrifstofustjóri og Össur Friðgeirsson byggingastjóri. ÍAV á húsnæðið og leigir út.

Penninn ehf. á og rekur verslanir Eymundsson og Pennans, ásamt verslun Saltfélagsins og rekur ásamt þeim kaffihús undir nafninu Te og Kaffi. Auk þess á Penninn helmingshlut í Habitat á Íslandi, meirihluta í húsgagnafyrirtækinu Coppa í Lettlandi, meirihluta í GH ljósum í Garðabæ, rekstrarvörukeðjuna Officeday sem starfar í Finnlandi, Eistlandi, Lettlandi og Litháen og kaffiframleiðandann Melna Kafija ásamt því að eiga meirihluta í Insomnia kaffihúsakeðjunni sem starfrækt er á Írlandi.

Byrjað var að byggja nýju skrifstofubygginguna í mars 2006, en byggingin er um 10.000 fermetrar að stærð á 8 hæðum auk kjallara á 2 hæðum. Hreyfing og Bláa Lónið hófu starfsemi sína í byggingunni um áramótin og eru á þremur neðstu hæðum hússins (tveimur kjallarahæðum og fyrstu hæð). Sjónlag mun hefja starfsemi á fimmtu hæð í húsinu í haust eða byrjun vetrar og læknastofur verða opnaðar á þriðju og fjórðu hæðinni í vetur.
 

Twitter Facebook
Til baka

Seðlabanki Íslands
27. janúar 2023

Seðlabanki Íslands

Samningur um endurbætur og stækkun á byggingu Seðlabanka Íslands var undirritaður rafrænt þann 29. desember. Verkið felst í að rífa niður og endurbyggja rými á jarðhæð, 1. hæð og 2. hæð ásamt því að reisa nýbyggingu í hjarta bankans í tengslum við aðalinngang og móttöku.

Nýtt knattspyrnuhús fyrir íþróttafélagið Hauka
22. desember 2022

Nýtt knattspyrnuhús fyrir íþróttafélagið Hauka

Samningur um byggingu 1. áfanga nýs knatthúss fyrir íþróttafélagið Hauka á svæði félagsins á Völlunum í Hafnarfirði var undirritaður í ráðhúsi Hafnarfjarðar þann 28. nóvember. Um er að ræða reisingu og heildarfrágang á stálgrindarhúsi með steyptum veggjum yfir löglegan knattspyrnuvöll þar sem fram eiga að geta farið keppnisleikir í hvaða móti sem er. Enn fremur verður steypt þjónustubygging við enda vallarins sem ekki verður gengið frá að innan. Af tilefni undirritunar samningsins höfðu Hafnfirðingar látið baka glæsilega tertu í líki hússins

Fréttasafn