Almennar fréttir

28. desember 2007

ÍAV byggja fjölbýlishús á Reyðarfirði

Þann 27. desember s.l. var undirritaður samningur um byggingu fjölbýlishúss fyrir Vélsmiðju Hjalta Einarssonar hf. Húsið sem er fjórtán íbúða á tveimur hæðum mun rísa að Bakkagerði 5-7 á Reyðarfirði. Framkvæmdir eru hafnar.

Sér inngangur er í hverja íbúð en þeim verður skilað fullbúnum með öllum innréttingum, tækjum og gólfefnum. Lóð verður fullfrágengin, stígar verða hellulagðir og malbikaðir að hluta. Bílastæði verður malbikað og stæði afmörkuð með línum. Vélsmiðja Hjalta mun nýta húsið undir starfsmenn sína sem starfa munu í nýrri vélsmiðju sem verið er að byggja á Reyðarfirði. Fyrstu íbúðunum verður skilað til eigenda sinna í júlí 2008 en verklok eru 1. september sama ár.

Auk framkvæmda við fjölbýlishúsið eru ÍAV einnig að reisa fyrir Vélsmiðju Hjalta, vélsmiðju á Reyðarfirði sem skilast fullbúin í júlí 2008 og vélsmiðju í Hafnarfirði sem skilast í maí sama ár.

Twitter Facebook
Til baka

Framkvæmdir við Brimketil - áfanga 2
21. júní 2022

Framkvæmdir við Brimketil - áfanga 2

Framkvæmdir við Brimketil áfanga 2 gengu vel þrátt fyrir erfiðar aðstæður vegna brims og flóðs. ÍAV sá um að stækka útsýnispallinn þannig að fólk komist nær stóra Brimkatlinum og bæta aðgengi að stiga. Verk lauk í byrjun júní.

Njálsgata 65
24. maí 2022

Njálsgata 65

Það líður að verklokum á Njálsgötu 65. Verk hófst nóvember 2021. Um er að ræða 12 innréttaðar íbúðri og uppsetning á flóttastiga. Verkkaupi er Félagsbústaðir og húsnæðið er ætlað sem endurhæfingarhúsnæði fyrir konur, sem hafa lent í félagslegum áföllum af ýmsu tagi. Þarna mun hver einstaklingur dvelja í um tvo til þrjá mánuði.

Skíðalyftur í Bláfjöllum - fyrsta skóflustungan
28. apríl 2022

Skíðalyftur í Bláfjöllum - fyrsta skóflustungan

ÍAV tekur þátt í byggingu tveggja nýrra skíðalyfta í Bláfjöllum. Lyfturnar heita Gosi, sem verður á Suðursvæði, og Drottning, sem verður við Kóngsgil. Þær munu leysa af hólmi eldri lyftur sem bera sömu nöfn. Um er að ræða fjögurra sæta stólalyftur og er verkið er unnið í samstarfi við austuríska lyftuframleiðandann Doppelmayr, sem jafnframt er aðalverktaki verksins. ÍAV mun sjá um jarðvinnu, steypu á undirstöðum fyrir möstur og endastöðvar ásamt reisingu stálgrindarhúsa yfir botnstöðvum og stólageymslu o.fl. Doppelmayr mun síðan sjá um uppsetningu sjálfra lyftanna og alls búnaðar tengdum henni. Fyrsta skóflustunga var tekin núna í vikunni og eru framkvæmdir því formlega byrjaðar.

Fréttasafn