Almennar fréttir

07. nóvember 2007

ÍAV byggja fyrir N1

Skrifað hefur verið undir samning milli N1 og ÍAV vegna framkvæmda við nýbyggingar að Bíldshöfða 2. Framkvæmdir hefjast í byrjun janúar.

Um er að ræða verulega stækkun á lóð og byggingu tveggja húsa þar sem N1 er nú með bensínstöð. Annars vegar verður byggð þjónustustöð sem verður um 515 fermetrar að stærð. Sambærileg þeim sem ÍAV hafa áður byggt fyrir N1 í Fossvogi, við Hringbraut, í Borgartúni og Mosfellsbæ. Hins vegar verður byggt um 500 fermetra dekkja- og smurverkstæði með dekkjahóteli í kjallara.

Bætt aðgengi verður að metanafgreiðslu, með fleiri metandælum sem settar verða upp á dælueyjar. Metanlögn sem liggur frá Álfsnesi verður tengd inn á stöðina og verður hún birgðastöð. Jafnframt verður stöðin nýtt sem átöppunarstaður fyrir metangáma.

Stöðin verður tekin í notkun í byrjun júlí 2008.

Twitter Facebook
Til baka

Framkvæmdir við Brimketil - áfanga 2
21. júní 2022

Framkvæmdir við Brimketil - áfanga 2

Framkvæmdir við Brimketil áfanga 2 gengu vel þrátt fyrir erfiðar aðstæður vegna brims og flóðs. ÍAV sá um að stækka útsýnispallinn þannig að fólk komist nær stóra Brimkatlinum og bæta aðgengi að stiga. Verk lauk í byrjun júní.

Njálsgata 65
24. maí 2022

Njálsgata 65

Það líður að verklokum á Njálsgötu 65. Verk hófst nóvember 2021. Um er að ræða 12 innréttaðar íbúðri og uppsetning á flóttastiga. Verkkaupi er Félagsbústaðir og húsnæðið er ætlað sem endurhæfingarhúsnæði fyrir konur, sem hafa lent í félagslegum áföllum af ýmsu tagi. Þarna mun hver einstaklingur dvelja í um tvo til þrjá mánuði.

Skíðalyftur í Bláfjöllum - fyrsta skóflustungan
28. apríl 2022

Skíðalyftur í Bláfjöllum - fyrsta skóflustungan

ÍAV tekur þátt í byggingu tveggja nýrra skíðalyfta í Bláfjöllum. Lyfturnar heita Gosi, sem verður á Suðursvæði, og Drottning, sem verður við Kóngsgil. Þær munu leysa af hólmi eldri lyftur sem bera sömu nöfn. Um er að ræða fjögurra sæta stólalyftur og er verkið er unnið í samstarfi við austuríska lyftuframleiðandann Doppelmayr, sem jafnframt er aðalverktaki verksins. ÍAV mun sjá um jarðvinnu, steypu á undirstöðum fyrir möstur og endastöðvar ásamt reisingu stálgrindarhúsa yfir botnstöðvum og stólageymslu o.fl. Doppelmayr mun síðan sjá um uppsetningu sjálfra lyftanna og alls búnaðar tengdum henni. Fyrsta skóflustunga var tekin núna í vikunni og eru framkvæmdir því formlega byrjaðar.

Fréttasafn