Almennar fréttir

11. september 2008

ÍAV byggja nýtt Garðatorg

Undirritun samninga og fyrsta skóflustungan að nýju Garðatorgi, var tekin þann 11. september 2008.  Nýtt Garðatorg er annar áfangi í uppbyggingu á miðbæjarsvæði Garðabæjar og sjá ÍAV um framkvæmdir fyrir fasteignaþróunarfélagið Klasa sem vinna að uppbyggingunni í samvinnu við Garðabæ.  Við torgið verða verslanir, þjónustufyrirtæki, menningarlíf og íbúðir. Framkvæmdum við torgið lýkur á árinu 2010.

Stefán Friðfinnsson stjórnarformaður og Haukur Magnússon framkvæmdastjóri tæknisviðs undirrituðu samningana fyrir hönd ÍAV og Halldór Eyjólfsson þróunarstjóri og Ingvi Jónasson framkvæmdastjóri fyrir hönd Klasa.  Fyrstu skóflustungurnar tóku bæjarstjóri, bæjarfulltrúar Garðabæjar ásamt stjórnarformanni og framkvæmdastjóra Klasa.  Einnig lögðu hönd á plóginn börn af leikskólanum Kirkjubóli sem er í miðbæ Garðabæjar.

Verslanir og þjónusta á torginu vorið 2010

Fyrsti áfangi miðbæjarsvæðisins var tekinn í notkun í júní sl. með nýjum verslunarkjarna við Litlatún. Þar eru meðal annars Hagkaup, Byr og þjónustustöð Skeljungs sem áður voru á Garðatorgi. Hjarta nýs miðbæjar verður hið nýja Garðatorg, glæsilegt bæjartorg sem verður miðpunktur mannlífs og menningar í Garðabæ.  Ráðgert er að verslanir og þjónustufyrirtæki við nýtt Garðatorg hefji starfsemi vorið 2010 en framkvæmdum við annan áfanga ljúki í lok þess árs. Framkvæmdir við Hönnunarsafn Íslands hefjast væntanlega haustið 2009. Að framkvæmdum loknum mun torgið einkennast  af sterkum bæjarbrag og blómstrandi mannlífi með verslun, þjónustu og lifandi menningarstarfsemi.

Hlýlegt yfirbragð og vandaður frágangur

Nýjar byggingar við Garðatorg skapa umgjörð um torgið með verslun og þjónustu á jarðhæð en fjölbreyttum íbúðum á efri hæðum.  Alls er um að ræða 5.500 fm af nýju verslunarhúsnæði og um 72 íbúðir.  Undir torginu verður bílageymsla fyrir viðskiptavini miðbæjarins.  Þá mun nýbygging fyrir Hönnunarsafn Íslands rísa við torgið en hönnunarsamkeppni um þá byggingu lauk í vor.  Mikill metnaður hefur verið lagður í hönnun bygginga og útisvæða þar sem áhersla er lögð á hlýlegt yfirbragð og vandaðan frágang.

Heilsurækt og sérverslanir

Þegar ráðist var í undirbúning verkefnisins var haft að leiðarljósi að hámarka gæði skipulags og að leggja mikinn metnað í útlit og efnisval bygginga.  Aukin þjónusta og íbúðir á miðbæjarsvæði samræmast vel kröfu samtímans um að færa þjónustu og verslun nær þungamiðju byggða og stytta þar með vegalengdir og stuðla að sjálfbærri þróun byggðar.  Áætlað er að hægt verði að fá ýmsa þjónustu og nálgast fjölbreytt úrval verslana á hinu nýja Garðatorgi.  Meðal annars verður þar heilsurækt í hæsta gæðaflokki og ýmsar sérverslanir.  

Klasi hefur samið við ÍAV um framkvæmdina sem nú fer senn á fullt skrið.  Aðalhönnuðir verkefnisins eru THG arkitektar og um verkfræðihönnun sér VST–Rafteikning.  Þá hafa Engle architects verið Klasa til ráðagjafar en hugmyndafræði verkefnisins er byggð á þeirra hugmyndum.

Twitter Facebook
Til baka

Fjölnota Íþróttahús í Garðabæ
20. september 2021

Fjölnota Íþróttahús í Garðabæ

Framkvæmdir á fjölnota íþróttahúsi Garðabæjar ganga vel. Unnið er að glugga ísetningu sem er komin langt á veg og byrjað er að klæða húsið. Verið er að ganga frá samning um bílastæði við íþróttahúsið en búið er að gefa leyfi á að hefja framkvæmdir og munu þær hefjast í þessum mánuði. Innanhússfrágangur inni í sal er einnig á fullu og stefnt er að því að klára allan þann frágang í október og í kjölfari leggja niður gervigrasið. Búið er að flísaleggja stóran hluta veggja og stefnt er að því að klára gólfflísar í október. Í kjölfari koma innréttingar, bekkir og snagar inn. Um er að ræða 10.000 fm salur en alls 17.000 fm hús. Afhenda á íþróttahúsið um miðjan desember.

Framkvæmdir hafnar í Hraunbæ
13. ágúst 2021

Framkvæmdir hafnar í Hraunbæ

ÍAV undirrituðu þann 4. júní 2021 s.l verksamning sem felur í sér að ÍAV byggi og afhendi alls 64 almennar leiguíbúðir við Hraunbæ 133. Samtals eru 59 íbúðir í tveimur 3-5 hæða blokkum með 4 stigagöngum, auk þess raðhús á tveimur hæðum með 5 íbúðum. Nú eru framkvæmdir hafnar. Jarðvinnan byrjaði í júlí og fyrstu smiðir komu á staðinn á mánudaginn og þá hófst uppsteypa.

Höfuðstöðvar Vegagerðarinnar afhentar
29. júlí 2021

Höfuðstöðvar Vegagerðarinnar afhentar

Um miðjan júní hóf Vegargerðin að flytja inn í nýjar höfðuðstöðvar í Suðurhrauni 3 í Garðabæ og flutti endanlega alla starfsemi sína í húsið í byrjun júlí. Um er að ræða 3000 m2 skrifstofubyggingu á þremum hæðum auk 2400 m2 lager og tækjageymslu á 9.000 m2 lóð.

Umfjöllun - Suðurlandsvegur
05. júlí 2021

Umfjöllun - Suðurlandsvegur

Framkvæmdir við 2. áfanga breikkunar Hringvegar (1) milli Hveragerði og Selfoss ganga vel og eru á áætlun. Verkið hófst apríl 2020 og á að ljúka í lok september 2023. Fjallað var um verkið á heimasíðu Vegagerðarinar:

Fréttasafn