Almennar fréttir

09. júní 2008

ÍAV endurnýjar raflagnakerfi Keflavíkurflugvallar

Þann 6.júní síðastliðinn tók Hitaveita Suðurnesja fyrstu skóflustunguna fyrir endurnýjun raflagnakerfis Keflavíkurflugvallar, en verkið mun vera í höndum ÍAV, en breyta þarf raflagnakerfinu á svæðinu svo þau uppfylli íslensk lög, eigi síður en 1.október 2010.

Fyrsti áfangi verksins er endurnýjun rafdreifikerfis á iðnaðarhluta svæðisins, en einnig er áætlað að taka hluta íbúðarsvæðis í fyrsta áfanga.  Fyrsta áfanga verksins mun vera lokið í september og er ráðgert að aftengja eldra dreifikerfi iðnaðarsvæðisins þann 14. nóvember þessa árs.  

Í beinu framhaldi verður farið í vinnu við aðra hluta svæðisins og verður verkið unnið samfellt til verkloka.  Undirbúningsvinna verksins hefur staðið yfir undanfarna mánuði og hefur Verkfræðistofa Jóhanns Indriðasonar,  í samstarfi við Hitaveitu Suðurnesja og Þróunarfélag Keflavíkurflugvallar, séð um hönnun nýja rafdreifikerfisins.

Twitter Facebook
Til baka

Ný tæki hjá ÍAV
23. september 2022

Ný tæki hjá ÍAV

Eftir talsverða bið þá er ánægjulegt að segja frá því að ÍAV hefur á síðustu mánuðum fengið afhent talsvert af nýjum tækjum. Má þar helst nefna Volvo beltagröfu , Caterpillar beltagröfu, tvær Volvo hjólagröfur, Volvo hjólaskóflu, Liebherr hjólaskóflu, Caterpillar jarðýtu og Liebherr byggingakrana. Endurnýjun tækja er ein af megin forsendum góðs rekstrar og er það trú okkar að þessi tæki muni styðja við rekstur ÍAV á komandi árum.

Opnað fyrir umferð um nýjan kafla Suðurlandsvegar
09. september 2022

Opnað fyrir umferð um nýjan kafla Suðurlandsvegar

Opnað var fyrir umferð um hringtorg við Biskupstungnabraut og nýjan kafla Suðurlandsvegar undir Ingólfsfjalli í gær. Fjallað var um framkvæmdina og opnunina á heimasíðu vegagerðarinnar og í fréttum í gær.

Framkvæmdir við Brimketil - áfanga 2
21. júní 2022

Framkvæmdir við Brimketil - áfanga 2

Framkvæmdir við Brimketil áfanga 2 gengu vel þrátt fyrir erfiðar aðstæður vegna brims og flóðs. ÍAV sá um að stækka útsýnispallinn þannig að fólk komist nær stóra Brimkatlinum og bæta aðgengi að stiga. Verk lauk í byrjun júní.

Fréttasafn