Almennar fréttir

31. janúar 2020

ÍAV er aðalverktaki við byggingu baðlóns á Kársnesi í Kópavogi

Nature Resort ehf. og ÍAV hf. undirrituðu 30. janúar 2020 verksamning sem felur í sér að ÍAV verður aðalverktaki við uppbyggingu á baðlóni fyrir Nature Resort ehf. við Vesturvör á Kársnesi í Kópavogi.  Samningsform er stýriverktaka.  Hlutverk ÍAV er að stýra uppbyggingu á baðlóni við sjóinn, kaldri laug og gufuböðum.  Nýbyggingin, sem verður á tveimur hæðum, mun meðal annars hýsa móttöku, búningsklefa, veitingasölu og verslun, auk ýmis stoð- og tæknirými.  Jarðvinnuframkvæmdir og lagnavinna í jörðu hófust haustið 2019 á vegum verkkaupa.  Meðfylgjandi mynd var tekin við undirritunina, á henni eru í fremri röð, f.v. Eyþór Guðjónsson og Gestur Þórisson aðaleigendur Nature Resort ehf. , Sigurður Ragnarsson forstjóri ÍAV.  Í aftari röð eru starfsmenn ÍAV, talið f.v. Haukur Magnússon, Oddur Helgi Oddsson, Ólafur Már Lárusson, Andrea Ösp Viðarsdóttir og Kristján Arinbjarnar.  Á myndina vantar Sigurjón Jónsson verkefnisstjóra.  Nánari upplýsingar veitir Gestur Þórisson í síma 862-0304.

Twitter Facebook
Til baka

Ný tæki hjá ÍAV
23. september 2022

Ný tæki hjá ÍAV

Eftir talsverða bið þá er ánægjulegt að segja frá því að ÍAV hefur á síðustu mánuðum fengið afhent talsvert af nýjum tækjum. Má þar helst nefna Volvo beltagröfu , Caterpillar beltagröfu, tvær Volvo hjólagröfur, Volvo hjólaskóflu, Liebherr hjólaskóflu, Caterpillar jarðýtu og Liebherr byggingakrana. Endurnýjun tækja er ein af megin forsendum góðs rekstrar og er það trú okkar að þessi tæki muni styðja við rekstur ÍAV á komandi árum.

Opnað fyrir umferð um nýjan kafla Suðurlandsvegar
09. september 2022

Opnað fyrir umferð um nýjan kafla Suðurlandsvegar

Opnað var fyrir umferð um hringtorg við Biskupstungnabraut og nýjan kafla Suðurlandsvegar undir Ingólfsfjalli í gær. Fjallað var um framkvæmdina og opnunina á heimasíðu vegagerðarinnar og í fréttum í gær.

Framkvæmdir við Brimketil - áfanga 2
21. júní 2022

Framkvæmdir við Brimketil - áfanga 2

Framkvæmdir við Brimketil áfanga 2 gengu vel þrátt fyrir erfiðar aðstæður vegna brims og flóðs. ÍAV sá um að stækka útsýnispallinn þannig að fólk komist nær stóra Brimkatlinum og bæta aðgengi að stiga. Verk lauk í byrjun júní.

Fréttasafn