Almennar fréttir

27. ágúst 2007

ÍAV fá viðurkenningu umhverfisnefndar Mosfellsbæjar 2007

Umhverfisnefnd Mosfellsbæjar hefur veitt Íslenskum aðalverktökum viðurkenningu fyrir snyrtilegan frágang lóða og góðan heildarsvip við Þrastarhöfða í Mosfellsbæ.

Um er að ræða lóðir við við húsin númer 1-3, 2, 5 og 4-6 samtals fjögur fjölbýlishús á þremur hæðum, með sextíu íbúðum alls. Framkvæmdir hófust haustið 2004 og lauk í október 2006.

Bílastæði eru malbikuð og stígar og verandir hellulagðar með snjóbræðslu að hluta. Lóðir eru þökulagðar og limgerðum plantað við lóðamörk og séreignahluta. Við hönnunina var leitast við að ná fram hámarks notagildi húsa og lóða með þarfir íbúanna í huga ásamt fallegu útliti og samræmi í heildarsvip. Viðurkenningin undirstrikar hve vel til hefur tekist.

Húsin eru hönnuð af ASK arkitektum og Landslag ehf sá um lóðahönnun.

Twitter Facebook
Til baka

Framkvæmdir við Brimketil - áfanga 2
21. júní 2022

Framkvæmdir við Brimketil - áfanga 2

Framkvæmdir við Brimketil áfanga 2 gengu vel þrátt fyrir erfiðar aðstæður vegna brims og flóðs. ÍAV sá um að stækka útsýnispallinn þannig að fólk komist nær stóra Brimkatlinum og bæta aðgengi að stiga. Verk lauk í byrjun júní.

Njálsgata 65
24. maí 2022

Njálsgata 65

Það líður að verklokum á Njálsgötu 65. Verk hófst nóvember 2021. Um er að ræða 12 innréttaðar íbúðri og uppsetning á flóttastiga. Verkkaupi er Félagsbústaðir og húsnæðið er ætlað sem endurhæfingarhúsnæði fyrir konur, sem hafa lent í félagslegum áföllum af ýmsu tagi. Þarna mun hver einstaklingur dvelja í um tvo til þrjá mánuði.

Skíðalyftur í Bláfjöllum - fyrsta skóflustungan
28. apríl 2022

Skíðalyftur í Bláfjöllum - fyrsta skóflustungan

ÍAV tekur þátt í byggingu tveggja nýrra skíðalyfta í Bláfjöllum. Lyfturnar heita Gosi, sem verður á Suðursvæði, og Drottning, sem verður við Kóngsgil. Þær munu leysa af hólmi eldri lyftur sem bera sömu nöfn. Um er að ræða fjögurra sæta stólalyftur og er verkið er unnið í samstarfi við austuríska lyftuframleiðandann Doppelmayr, sem jafnframt er aðalverktaki verksins. ÍAV mun sjá um jarðvinnu, steypu á undirstöðum fyrir möstur og endastöðvar ásamt reisingu stálgrindarhúsa yfir botnstöðvum og stólageymslu o.fl. Doppelmayr mun síðan sjá um uppsetningu sjálfra lyftanna og alls búnaðar tengdum henni. Fyrsta skóflustunga var tekin núna í vikunni og eru framkvæmdir því formlega byrjaðar.

Fréttasafn