Almennar fréttir

03. desember 2015

ÍAV fær Volvo L180H hjólaskóflur afhentar

ÍAV fékk í dag afhentar tvær nýjar Volvo L180H hjólaskóflur af fjórum sem eru komnar til landsins. Verða næstu tvær L180H hjólaskóflurnar afhentar ÍAV á næstu dögum þegar standsetning hefur farið fram á Volvo atvinnutækjaverkstæði Brimborgar. 

Hér eru á ferðinni mjög öflugar rúmlega 28 tonna Volvo L180H hjólaskóflur sem eru mjög vel útbúnar í alla staði. Vélin er D13J, en hún er 13 lítra, 6 strokka línuvél sem er 334 hestöfl og skilar 2.030 Nm togi. Vélin uppfyllir Tier 4 Final stage mengunarstaðla. Fjöðrunarkerfi er á gálga sem eykur þægindin til muna þegar ekið er með fulla skóflu á ósléttu yfirborði auk þess sem vélin kemur útbúin með smurkerfi sem eykur uppi tíma og minnkar viðhald. 

Hjólaskóflurnar koma með frábærri lýsingu sem gerir vinnuna auðveldari og eykur öryggi þegar unnið er í myrkri. Ökumannshúsið er mjög vel útbúið með loftkælingu, fjölstillanlegu fjaðrandi ökumannssæti, bakkmyndvél, Lodatronic tölvuvog og fl.

Twitter Facebook
Til baka

Framkvæmdir við Brimketil - áfanga 2
21. júní 2022

Framkvæmdir við Brimketil - áfanga 2

Framkvæmdir við Brimketil áfanga 2 gengu vel þrátt fyrir erfiðar aðstæður vegna brims og flóðs. ÍAV sá um að stækka útsýnispallinn þannig að fólk komist nær stóra Brimkatlinum og bæta aðgengi að stiga. Verk lauk í byrjun júní.

Njálsgata 65
24. maí 2022

Njálsgata 65

Það líður að verklokum á Njálsgötu 65. Verk hófst nóvember 2021. Um er að ræða 12 innréttaðar íbúðri og uppsetning á flóttastiga. Verkkaupi er Félagsbústaðir og húsnæðið er ætlað sem endurhæfingarhúsnæði fyrir konur, sem hafa lent í félagslegum áföllum af ýmsu tagi. Þarna mun hver einstaklingur dvelja í um tvo til þrjá mánuði.

Skíðalyftur í Bláfjöllum - fyrsta skóflustungan
28. apríl 2022

Skíðalyftur í Bláfjöllum - fyrsta skóflustungan

ÍAV tekur þátt í byggingu tveggja nýrra skíðalyfta í Bláfjöllum. Lyfturnar heita Gosi, sem verður á Suðursvæði, og Drottning, sem verður við Kóngsgil. Þær munu leysa af hólmi eldri lyftur sem bera sömu nöfn. Um er að ræða fjögurra sæta stólalyftur og er verkið er unnið í samstarfi við austuríska lyftuframleiðandann Doppelmayr, sem jafnframt er aðalverktaki verksins. ÍAV mun sjá um jarðvinnu, steypu á undirstöðum fyrir möstur og endastöðvar ásamt reisingu stálgrindarhúsa yfir botnstöðvum og stólageymslu o.fl. Doppelmayr mun síðan sjá um uppsetningu sjálfra lyftanna og alls búnaðar tengdum henni. Fyrsta skóflustunga var tekin núna í vikunni og eru framkvæmdir því formlega byrjaðar.

Fréttasafn