Almennar fréttir

15. september 2020

ÍAV heldur áfram byggingu fjölnota íþróttahúss í Garðabæ

Framkvæmdir við fjölnota íþróttahús í Garðabæ halda áfram.  Verkið hefur tafist um tæplega eitt ár vegna þess að jarðvegurinn reyndist ekki vera eins burðarhæfur og reiknað var með í upphafi.  Þetta er leyst þannig að sementi og jarðvegi er hrært saman í súluknippi, stálrör eru síðan rekin í gegnum súlurnar samhliða því sem rörin eru fyllt af steypu.  Í framhaldinu hefst vinna við að reisa stálgrind hússins, það verður svo klætt með einingum á hliðum og þaki.  Áætluð verklok eru í janúar 2022.

Hér er myndband sem útskýrir aðferðina sem notuð er við að auka burðarhæfi jarðvegsins:

Twitter Facebook
Til baka

Framkvæmdir við Brimketil - áfanga 2
21. júní 2022

Framkvæmdir við Brimketil - áfanga 2

Framkvæmdir við Brimketil áfanga 2 gengu vel þrátt fyrir erfiðar aðstæður vegna brims og flóðs. ÍAV sá um að stækka útsýnispallinn þannig að fólk komist nær stóra Brimkatlinum og bæta aðgengi að stiga. Verk lauk í byrjun júní.

Njálsgata 65
24. maí 2022

Njálsgata 65

Það líður að verklokum á Njálsgötu 65. Verk hófst nóvember 2021. Um er að ræða 12 innréttaðar íbúðri og uppsetning á flóttastiga. Verkkaupi er Félagsbústaðir og húsnæðið er ætlað sem endurhæfingarhúsnæði fyrir konur, sem hafa lent í félagslegum áföllum af ýmsu tagi. Þarna mun hver einstaklingur dvelja í um tvo til þrjá mánuði.

Skíðalyftur í Bláfjöllum - fyrsta skóflustungan
28. apríl 2022

Skíðalyftur í Bláfjöllum - fyrsta skóflustungan

ÍAV tekur þátt í byggingu tveggja nýrra skíðalyfta í Bláfjöllum. Lyfturnar heita Gosi, sem verður á Suðursvæði, og Drottning, sem verður við Kóngsgil. Þær munu leysa af hólmi eldri lyftur sem bera sömu nöfn. Um er að ræða fjögurra sæta stólalyftur og er verkið er unnið í samstarfi við austuríska lyftuframleiðandann Doppelmayr, sem jafnframt er aðalverktaki verksins. ÍAV mun sjá um jarðvinnu, steypu á undirstöðum fyrir möstur og endastöðvar ásamt reisingu stálgrindarhúsa yfir botnstöðvum og stólageymslu o.fl. Doppelmayr mun síðan sjá um uppsetningu sjálfra lyftanna og alls búnaðar tengdum henni. Fyrsta skóflustunga var tekin núna í vikunni og eru framkvæmdir því formlega byrjaðar.

Fréttasafn