Almennar fréttir

09. febrúar 2012

ÍAV lýkur vinnu fyrir Alcan í Straumsvík

Um þessar mundir er verkefni ÍAV í Straumsvík að ljúka.

Verkið er hluti af þróunarverkefni Alcan sem lýtur að því að auka framleiðslu álversins með straumhækkun í núverandi kerskálum.

Verk ÍAV fólst í stækkun aðveitustöðvar, byggingu afriðlastöðva og inntaksbygginga ásamt undirgöngum milli kerskálanna. Ennfremur aðendurnýja vatnslagnir og leggja nýjar, gerð ídráttarlagnastokka og tilfærsla á háspennuköpplum sem færa þurfti vegna framkvæmdanna.

Verkið hófst í maí 2010 og er nú að ljúka. Að jafnaði störfuðu um 45 manns við verkið.

Verkið hefur verið mjög krefjandi þar sem álverið er í fullum rekstri og til að tryggja að röskun verði sem minnst  voru öryggiskröfur mjög miklar.

Twitter Facebook
Til baka

Framkvæmdir við Brimketil - áfanga 2
21. júní 2022

Framkvæmdir við Brimketil - áfanga 2

Framkvæmdir við Brimketil áfanga 2 gengu vel þrátt fyrir erfiðar aðstæður vegna brims og flóðs. ÍAV sá um að stækka útsýnispallinn þannig að fólk komist nær stóra Brimkatlinum og bæta aðgengi að stiga. Verk lauk í byrjun júní.

Njálsgata 65
24. maí 2022

Njálsgata 65

Það líður að verklokum á Njálsgötu 65. Verk hófst nóvember 2021. Um er að ræða 12 innréttaðar íbúðri og uppsetning á flóttastiga. Verkkaupi er Félagsbústaðir og húsnæðið er ætlað sem endurhæfingarhúsnæði fyrir konur, sem hafa lent í félagslegum áföllum af ýmsu tagi. Þarna mun hver einstaklingur dvelja í um tvo til þrjá mánuði.

Skíðalyftur í Bláfjöllum - fyrsta skóflustungan
28. apríl 2022

Skíðalyftur í Bláfjöllum - fyrsta skóflustungan

ÍAV tekur þátt í byggingu tveggja nýrra skíðalyfta í Bláfjöllum. Lyfturnar heita Gosi, sem verður á Suðursvæði, og Drottning, sem verður við Kóngsgil. Þær munu leysa af hólmi eldri lyftur sem bera sömu nöfn. Um er að ræða fjögurra sæta stólalyftur og er verkið er unnið í samstarfi við austuríska lyftuframleiðandann Doppelmayr, sem jafnframt er aðalverktaki verksins. ÍAV mun sjá um jarðvinnu, steypu á undirstöðum fyrir möstur og endastöðvar ásamt reisingu stálgrindarhúsa yfir botnstöðvum og stólageymslu o.fl. Doppelmayr mun síðan sjá um uppsetningu sjálfra lyftanna og alls búnaðar tengdum henni. Fyrsta skóflustunga var tekin núna í vikunni og eru framkvæmdir því formlega byrjaðar.

Fréttasafn