ÍAV hefur lokið vinnu við Kröflulínu 3, nýja háspennulínu á Norðausturlandi. Vinnusvæðið var frá Jökulsá á Fjöllum í vestri að Jökulsá á Dal í austri, um 60 km í loftlínu. Verkið hófst sumarið 2019 og fólst verkefni ÍAV í að gera á annað hundrað kílómetra langa vegslóða og setja niður undirstöður og stagfestingar fyrir 149 möstur. Að jafnaði unnu um 15 manns við verkið en voru um 25 þegar mest lét.
Verkkaupi er Landsnet.
Samningur um endurbætur og stækkun á byggingu Seðlabanka Íslands var undirritaður rafrænt þann 29. desember. Verkið felst í að rífa niður og endurbyggja rými á jarðhæð, 1. hæð og 2. hæð ásamt því að reisa nýbyggingu í hjarta bankans í tengslum við aðalinngang og móttöku.
www.iav.is/starfsumsokn
Gleðileg jól og farsælt komandi ár
Samningur um byggingu 1. áfanga nýs knatthúss fyrir íþróttafélagið Hauka á svæði félagsins á Völlunum í Hafnarfirði var undirritaður í ráðhúsi Hafnarfjarðar þann 28. nóvember. Um er að ræða reisingu og heildarfrágang á stálgrindarhúsi með steyptum veggjum yfir löglegan knattspyrnuvöll þar sem fram eiga að geta farið keppnisleikir í hvaða móti sem er. Enn fremur verður steypt þjónustubygging við enda vallarins sem ekki verður gengið frá að innan. Af tilefni undirritunar samningsins höfðu Hafnfirðingar látið baka glæsilega tertu í líki hússins