ÍAV leiðir hjálparstarf í Afríku
-
Á myndinni er fyrsti hópur tæknimanna sem fór á staðinn í júní 2006. Frá hægri: Örn Svavarsson Opnum Kerfum, Robin Zarine yfirmaður tölvudeildar menntamálaráðuneytis Seychelles, Halldór Guðmundsson Skýrr, Valgeir Ólafsson OgSvo, Christian Cafrine deildarstjóri í menntamálaráðuneyti Seychelles, Danny Faure þáverandi menntamálaráðherra, núverandi fjármálaráðherra, Margeir Reynisson Hafnarfjarðarbæ, Guðmundur Hólmsteinsson og Erik Ágústsson frá Íslenskum aðalverktökum.
Á smáeyjum í Indlandshafi hafa Íslenskir aðalverktakar ásamt fjölda fyrirtækja tölvuvætt alla grunnskóla Seychelles-eyja.
Verkefnið hefur staðið í rúm tvö ár og fjöldi tæknimanna og kennara farið á staðinn til að kenna á búnaðinn. Alls hafa rúmlega 500 tölvur verið settar upp í skólunum og þær allar búnar íslenskum kennsluhugbúnaði.
Meðal fyrirtækja og stofnana sem hafa stutt þetta eru Skýrr, Opin Kerfi, Glitnir, Síminn, Microsoft, Unesco, Námsgagnastofnun, Kaupþing, Eimskip, Reykjavíkurborg, Hafnarfjarðarbær, Nýherji, Ískraft, Klæðning, Og Svo ehf., Monstro, Byggingafélagið Bakki, Hlaðbær-Colas, Holræsahreinsun, Ísar hf og fleiri. Á Seychelleseyjum: Menntamálaráðuneyti Seychelles, Air Seychelles og Cable & Wirless.
Alls hafa rúmlega 20 manns farið til eyjanna vegna verkefnisins frá júní 2006.
