Almennar fréttir

11. apríl 2011

ÍAV/ Marti – verkefni í Noregi

ÍAV/Marti hefur verið tilkynnt að Jernbaneverket í Noregi ætli að semja við félagið um gerð járnbrautarganga við Holmestrand. Holmestrand er við Oslófjörðinn vestanverðan um 80 km suður af Osló.

Verkið felst í gerð um 2 km jarðganga fyrir hraðlestar og er um að ræða einn áfanga af sex. Verkið fór af stað í fyrra með tveimur útboðum sem ÍAV tók þátt í ásamt Marti en enn á eftir að bjóða út tvo áfanga verksins.

Tilboðsupphæð ÍAV/Marti hljóðar upp á 414 milljónir NOK eða um 8,5 milljörðum ISK án VSK á gengi dagsins í dag. Tilboðsupphæðir annarra hafa ekki verið upplýstar.

Útboðið var svokallað útboð með samningsviðræðum og hófst með því að níu aðilar fengu að bjóða að loknu forvali í byrjun janúar. Tilboðum var skilað inn 28. febrúar, án formlegrar opnunar þeirra. Samkvæmt reglum um útboðið hafa aðrir heimild til að kæra val á verktaka og stendur sá kærufrestur til 15. apríl.

Eftir að kærufresturinn er liðinn og ef ekki koma fram rökstuddar kærur um val á verktaka verksins, verður gengið til samninga.

Áætlanir gera ráð fyrir fyrstu sprenginguí jarðgöngunum í byrjun ágúst og verklok eru áætluð í júní 2014.

Twitter Facebook
Til baka

Fjölnota farþegamiðstöð á Skarfabakka
06. júní 2023

Fjölnota farþegamiðstöð á Skarfabakka

Mánudaginn 5 júní var tilkynnt um niðurstöðu í samkeppni um byggingu Fjölnota farþegamiðstöð á Skarfabakka Um forval og svo alútboð var að ræða. Þrír hópar voru forvaldir og tóku þátt í samkeppni um gæði lausnar, verð og teymið. Það er ánægjulegt að upplýsa um að ÍAV ásamt VSÓ og Brokkr stúdio voru með allra bestu lausnina og sigruðu samkeppnina.

Fréttasafn