Almennar fréttir

23. júlí 2009

ÍAV með ISO 9001:2008 vottun

Íslenskir aðalverktakar hf. hafa fengið vottun samkvæmt stjórnunarstaðlinum ISO 9001:2008.

ÍAV hafa í u.þ.b. 18 ár unnið samkvæmt gæðakerfi sem sett var upp og þróað af starfsmönnum fyrirtækisins. Það var hins vegar fyrir réttum tveimur árum sem stjórn ÍAV tók ákvörðun um að byggja upp gæðakerfi sem uppfyllti kröfur staðalsins ISO 9001:2008 og sækjast eftir vottun samkvæmt honum. Í júní sl. var farið í gegnum síðasta þrep vottunarferilsins með úttekt sem stóð yfir í fimm daga. ÍAV er fyrsta verktakafyrirtæki á Íslandi sem fær vottun samkvæmt þessum staðli.

BSI á Íslandi annaðist úttektina en hér má sjá vottunarskjalið.

Twitter Facebook
Til baka

Framkvæmdir við Brimketil - áfanga 2
21. júní 2022

Framkvæmdir við Brimketil - áfanga 2

Framkvæmdir við Brimketil áfanga 2 gengu vel þrátt fyrir erfiðar aðstæður vegna brims og flóðs. ÍAV sá um að stækka útsýnispallinn þannig að fólk komist nær stóra Brimkatlinum og bæta aðgengi að stiga. Verk lauk í byrjun júní.

Njálsgata 65
24. maí 2022

Njálsgata 65

Það líður að verklokum á Njálsgötu 65. Verk hófst nóvember 2021. Um er að ræða 12 innréttaðar íbúðri og uppsetning á flóttastiga. Verkkaupi er Félagsbústaðir og húsnæðið er ætlað sem endurhæfingarhúsnæði fyrir konur, sem hafa lent í félagslegum áföllum af ýmsu tagi. Þarna mun hver einstaklingur dvelja í um tvo til þrjá mánuði.

Skíðalyftur í Bláfjöllum - fyrsta skóflustungan
28. apríl 2022

Skíðalyftur í Bláfjöllum - fyrsta skóflustungan

ÍAV tekur þátt í byggingu tveggja nýrra skíðalyfta í Bláfjöllum. Lyfturnar heita Gosi, sem verður á Suðursvæði, og Drottning, sem verður við Kóngsgil. Þær munu leysa af hólmi eldri lyftur sem bera sömu nöfn. Um er að ræða fjögurra sæta stólalyftur og er verkið er unnið í samstarfi við austuríska lyftuframleiðandann Doppelmayr, sem jafnframt er aðalverktaki verksins. ÍAV mun sjá um jarðvinnu, steypu á undirstöðum fyrir möstur og endastöðvar ásamt reisingu stálgrindarhúsa yfir botnstöðvum og stólageymslu o.fl. Doppelmayr mun síðan sjá um uppsetningu sjálfra lyftanna og alls búnaðar tengdum henni. Fyrsta skóflustunga var tekin núna í vikunni og eru framkvæmdir því formlega byrjaðar.

Fréttasafn