Almennar fréttir

02. október 2019

ÍAV óskar Víkingi til hamingju með bikarmeistaratitilinn

 

Víkingar eru bikarmeistarar í knattspyrnu karla eftir glæsilegan sigur gegn FH. Víkingar voru sterkari aðilinn í leiknum og spiluðu hreint út sagt frábærlega. Það var Óttar Magnús Karlsson sem skoraði mark Víkings í 1-0 sigri, en markið kom úr vítaspyrnu í seinni hálfleik.  Þetta er fyrsti stóri titill Víkings í 28 ár og fyrsti sigur í bikarkeppni frá árinu 1971. Glæsilegur árangur hjá þessu frábæra liði sem mun því spila í Evrópudeildinni á næsta tímabili.

Þess má geta hér að Óttar Magnús er sonur Karls Þráinssonar fyrrverandi starfsmanns og forstjóra ÍAV.

 

Myndir:Fótbolti.net

 

Twitter Facebook
Til baka

Fjölnota Íþróttahús í Garðabæ
20. september 2021

Fjölnota Íþróttahús í Garðabæ

Framkvæmdir á fjölnota íþróttahúsi Garðabæjar ganga vel. Unnið er að glugga ísetningu sem er komin langt á veg og byrjað er að klæða húsið. Verið er að ganga frá samning um bílastæði við íþróttahúsið en búið er að gefa leyfi á að hefja framkvæmdir og munu þær hefjast í þessum mánuði. Innanhússfrágangur inni í sal er einnig á fullu og stefnt er að því að klára allan þann frágang í október og í kjölfari leggja niður gervigrasið. Búið er að flísaleggja stóran hluta veggja og stefnt er að því að klára gólfflísar í október. Í kjölfari koma innréttingar, bekkir og snagar inn. Um er að ræða 10.000 fm salur en alls 17.000 fm hús. Afhenda á íþróttahúsið um miðjan desember.

Framkvæmdir hafnar í Hraunbæ
13. ágúst 2021

Framkvæmdir hafnar í Hraunbæ

ÍAV undirrituðu þann 4. júní 2021 s.l verksamning sem felur í sér að ÍAV byggi og afhendi alls 64 almennar leiguíbúðir við Hraunbæ 133. Samtals eru 59 íbúðir í tveimur 3-5 hæða blokkum með 4 stigagöngum, auk þess raðhús á tveimur hæðum með 5 íbúðum. Nú eru framkvæmdir hafnar. Jarðvinnan byrjaði í júlí og fyrstu smiðir komu á staðinn á mánudaginn og þá hófst uppsteypa.

Höfuðstöðvar Vegagerðarinnar afhentar
29. júlí 2021

Höfuðstöðvar Vegagerðarinnar afhentar

Um miðjan júní hóf Vegargerðin að flytja inn í nýjar höfðuðstöðvar í Suðurhrauni 3 í Garðabæ og flutti endanlega alla starfsemi sína í húsið í byrjun júlí. Um er að ræða 3000 m2 skrifstofubyggingu á þremum hæðum auk 2400 m2 lager og tækjageymslu á 9.000 m2 lóð.

Umfjöllun - Suðurlandsvegur
05. júlí 2021

Umfjöllun - Suðurlandsvegur

Framkvæmdir við 2. áfanga breikkunar Hringvegar (1) milli Hveragerði og Selfoss ganga vel og eru á áætlun. Verkið hófst apríl 2020 og á að ljúka í lok september 2023. Fjallað var um verkið á heimasíðu Vegagerðarinar:

Fréttasafn