Almennar fréttir

09. apríl 2008

ÍAV styrkja skólastarf á Seychelleseyjum

Íslenskir aðalverktakar eru aðalstuðningsaðilar verkefnisins „Tölvuvæðing grunnskóla Seychelleseyja í Indlandshafi“ sem nú hefur staðið yfir í um tvö ár, en mjög margir hafa stutt verkefnið og komið að því með einum eða öðrum hætti. Búið er að tölvuvæða 19 af 23 grunnskólum eyjanna og mun verkefnið klárast um áramót og verða þá allir grunnskólar eyjanna komnir með tölvur.

Sem viðbót við verkefnið gáfu Íslenskir aðalverktakar iðnskóla eyjanna (Seychelles Institute of Technology (SIT) Hewlett Packard teiknistöð sem samanstendur af HP DesignJet 450C plotter ásamt vinnustöð af gerðinni HP Compaq DC7100 með þeim hugbúnaði sem þarf til að nemendur geti sent sínar teikningar í prentun.

Erik Ágústsson fulltrúi ÍAV afhenti skólastjóra iðnskólans, Mr Rassool búnaðinn að viðstöddum ráðuneytisstjóra menntamálaráðuneytisins Frú Simone, kennurum og nemendum.

Twitter Facebook
Til baka

Framkvæmdir við Brimketil - áfanga 2
21. júní 2022

Framkvæmdir við Brimketil - áfanga 2

Framkvæmdir við Brimketil áfanga 2 gengu vel þrátt fyrir erfiðar aðstæður vegna brims og flóðs. ÍAV sá um að stækka útsýnispallinn þannig að fólk komist nær stóra Brimkatlinum og bæta aðgengi að stiga. Verk lauk í byrjun júní.

Njálsgata 65
24. maí 2022

Njálsgata 65

Það líður að verklokum á Njálsgötu 65. Verk hófst nóvember 2021. Um er að ræða 12 innréttaðar íbúðri og uppsetning á flóttastiga. Verkkaupi er Félagsbústaðir og húsnæðið er ætlað sem endurhæfingarhúsnæði fyrir konur, sem hafa lent í félagslegum áföllum af ýmsu tagi. Þarna mun hver einstaklingur dvelja í um tvo til þrjá mánuði.

Skíðalyftur í Bláfjöllum - fyrsta skóflustungan
28. apríl 2022

Skíðalyftur í Bláfjöllum - fyrsta skóflustungan

ÍAV tekur þátt í byggingu tveggja nýrra skíðalyfta í Bláfjöllum. Lyfturnar heita Gosi, sem verður á Suðursvæði, og Drottning, sem verður við Kóngsgil. Þær munu leysa af hólmi eldri lyftur sem bera sömu nöfn. Um er að ræða fjögurra sæta stólalyftur og er verkið er unnið í samstarfi við austuríska lyftuframleiðandann Doppelmayr, sem jafnframt er aðalverktaki verksins. ÍAV mun sjá um jarðvinnu, steypu á undirstöðum fyrir möstur og endastöðvar ásamt reisingu stálgrindarhúsa yfir botnstöðvum og stólageymslu o.fl. Doppelmayr mun síðan sjá um uppsetningu sjálfra lyftanna og alls búnaðar tengdum henni. Fyrsta skóflustunga var tekin núna í vikunni og eru framkvæmdir því formlega byrjaðar.

Fréttasafn