Almennar fréttir

21. ágúst 2012

Íbúðir í Skuggahverfi tilbúnar

Búið er að afhenda fjórar íbúðir af sjö við Vatnsstíg 14 sem tilheyra svokölluðu Skuggahverfi en ÍAV Fasteignaþjónusta hefur séð um verkið.

Um er að ræða íbúðir í öðrum áfanga af þremur og samanstendur áfanginn af fimm fjölbýlishúsum. Hæsti turninn er 19 hæðir og stendur rúma 68 metra yfir sjávarmáli sem gerir hann að hæsta íbúðaturni landsins. Íbúðirnar sem ÍAV Fasteignaþjónusta sér um innréttingar á eru í 8 hæða húsi en alls er gert ráð fyrir 97 íbúðum í fjölbýlishúsunum fimm.

Verklegar framkvæmdir við annan áfanga hófust í árslok 2006 og sá ÍAV um uppsteypu á húsunum. Verkið lá niðri um nokkurt skeið en framkvæmdur hófust aftur í febrúar 2012.

Twitter Facebook
Til baka

Seðlabanki Íslands
27. janúar 2023

Seðlabanki Íslands

Samningur um endurbætur og stækkun á byggingu Seðlabanka Íslands var undirritaður rafrænt þann 29. desember. Verkið felst í að rífa niður og endurbyggja rými á jarðhæð, 1. hæð og 2. hæð ásamt því að reisa nýbyggingu í hjarta bankans í tengslum við aðalinngang og móttöku.

Nýtt knattspyrnuhús fyrir íþróttafélagið Hauka
22. desember 2022

Nýtt knattspyrnuhús fyrir íþróttafélagið Hauka

Samningur um byggingu 1. áfanga nýs knatthúss fyrir íþróttafélagið Hauka á svæði félagsins á Völlunum í Hafnarfirði var undirritaður í ráðhúsi Hafnarfjarðar þann 28. nóvember. Um er að ræða reisingu og heildarfrágang á stálgrindarhúsi með steyptum veggjum yfir löglegan knattspyrnuvöll þar sem fram eiga að geta farið keppnisleikir í hvaða móti sem er. Enn fremur verður steypt þjónustubygging við enda vallarins sem ekki verður gengið frá að innan. Af tilefni undirritunar samningsins höfðu Hafnfirðingar látið baka glæsilega tertu í líki hússins

Fréttasafn