Það er víðar kalt en á Íslandi
-
Haglél og rigning séð frá skrifstofu okkar í Holmestrand -
Vegur að aðkomugöngum. Hraðbraut til Oslo í bakgrunni -
Séð yfir vinnusvæði, þarna verða skrifstofur Marti IAV -
Norskur skógarhöggsmaður að störfum -
Skógarhöggi er lokið en eins og sjá má voru notuð öflug tæki við ruðninginn
Í gær, fimmtudag, gekk yfir verkstað okkar í Snekkestad þrumuský með umtalsverðu hagléli og síðan rigningu. Veðrið tafði þó ekki vinnu við undirbúningsframkvæmdir enda er enginn verri þó hann vökni.
Vinna við undirbúningsframkvæmdir gengur vel en nú er unnið að fyllingum undir vinnubúðir ásamt því að gera veg að aðkomugöngum. Reiknað er með að hluti vinnubúða verði kominn á svæðið innan 2ja vikna en þá mun borun eftir vatni verða lokið. Vinnubúðir og stór hluti annars búnaðar til jarðgangagerðarinnar, mun verða sendur sjóleiðis frá Íslandi.
