Almennar fréttir

02. september 2009

Þakbitar settir á aðalsal Tónlistarhússins

Þessa dagana er verið að hífa stóru stálbitana sem bera munu upp þak yfir aðalsal Tónlistar- og ráðstefnuhússins. Undirbúningur við samsetningu bitanna hófst fyrir nokkru en neðri hluti hvers bita er soðinn saman úr 3 – 4 hlutum hver og er plötuþykkt allt að 50 mm.

Að endingu eru allir hlutar hvers stálbita boltaðir saman en alls eru stálbitarnir ellefu. Stærsti bitinn er 36 metrar á lengd og 6,8 metrar á hæð og vegur fullsamsettur 35.4 tonn. Í bitana ellefu eru notuð 7 tonn af boltum og 23 tonn af tengiplötum.

Þrír stórir kranar sjá svo til þess að koma þeim á réttan stað. Tveir kranar ferja bitana frá samsetningarstað að 300 tonna krana sem sér um sjálfa hífingu stálbitanna upp á bygginguna. Alls koma 9 starfsmenn og 3 kranamenn með beinum hætti að hífingu bitanna.

Twitter Facebook
Til baka

Framkvæmdir við Brimketil - áfanga 2
21. júní 2022

Framkvæmdir við Brimketil - áfanga 2

Framkvæmdir við Brimketil áfanga 2 gengu vel þrátt fyrir erfiðar aðstæður vegna brims og flóðs. ÍAV sá um að stækka útsýnispallinn þannig að fólk komist nær stóra Brimkatlinum og bæta aðgengi að stiga. Verk lauk í byrjun júní.

Njálsgata 65
24. maí 2022

Njálsgata 65

Það líður að verklokum á Njálsgötu 65. Verk hófst nóvember 2021. Um er að ræða 12 innréttaðar íbúðri og uppsetning á flóttastiga. Verkkaupi er Félagsbústaðir og húsnæðið er ætlað sem endurhæfingarhúsnæði fyrir konur, sem hafa lent í félagslegum áföllum af ýmsu tagi. Þarna mun hver einstaklingur dvelja í um tvo til þrjá mánuði.

Skíðalyftur í Bláfjöllum - fyrsta skóflustungan
28. apríl 2022

Skíðalyftur í Bláfjöllum - fyrsta skóflustungan

ÍAV tekur þátt í byggingu tveggja nýrra skíðalyfta í Bláfjöllum. Lyfturnar heita Gosi, sem verður á Suðursvæði, og Drottning, sem verður við Kóngsgil. Þær munu leysa af hólmi eldri lyftur sem bera sömu nöfn. Um er að ræða fjögurra sæta stólalyftur og er verkið er unnið í samstarfi við austuríska lyftuframleiðandann Doppelmayr, sem jafnframt er aðalverktaki verksins. ÍAV mun sjá um jarðvinnu, steypu á undirstöðum fyrir möstur og endastöðvar ásamt reisingu stálgrindarhúsa yfir botnstöðvum og stólageymslu o.fl. Doppelmayr mun síðan sjá um uppsetningu sjálfra lyftanna og alls búnaðar tengdum henni. Fyrsta skóflustunga var tekin núna í vikunni og eru framkvæmdir því formlega byrjaðar.

Fréttasafn