Þjónustuhús við Heilsustofnun NLFÍ í Hveragerði
ÍAV hafa hafið sölu á þjónustuhúsum við Heilsustofnun Náttúrulækningafélags Íslands, (HNLFÍ) í Hveragerði. Um er að ræða sérlega glæsileg raðhús, tveggja og þriggja herbergja, frá 86 til 111 fermetra hönnuð af Hróbjarti Hróbjartssyni arkitekt hjá VA arkitektum. Kaupendur eiga kost á að njóta margvíslegrar þjónustu Heilsustofnunar og því er um nýjung að ræða hér á landi.
Við kaup á þjónustuíbúð ÍAV gerast kaupendur aðilar að samningi við HNLFÍ þar sem þeir fá aðgang að viðamikilli þjónustu stofnunarinnar gegn greiðslu mánaðarlegs grunngjalds.
Íbúðirnar verður afhentar fullbúnar án gólfefna að undanskyldum forstofu- og þvottahúsgólfa, auk baðherbergja sem verða flísalögð í hólf og gólf. Raðhúsin verða klædd að hluta með litaðri báruálklæðningu og að hluta með sléttri álklæðningu. Við anddyri er klætt með viðarklæðningu. Húsin verða því viðhaldslítil. Kaupendur hafa val um maghony- eða eikarspón á innréttingum en einnig er möguleiki á öðrum viðartegundum. Í fyrsta áfanga verða reist 8 hús í tveimur lengjum. Fyrri lengjan verður afhent 15. október og sú síðari 19. nóvember á þessu ári.
