Almennar fréttir

14. júlí 2011

Aðföng til Noregs

Í nótt voru jarðvinnutæki, gámar og ýmis annar búnaður fluttur með flutningaskipi áleiðis til Horten í Noregi, þaðan sem búnaðinum verður komið áfram til Holmestrand. Tækin eru ætluð til nota í verkefni Marti/ÍAV við Snekkestad í Noregi. Verkefnið í Snekkastad felst í gerð járnbrautarganga fyrir járnbrautarspor nærri Holmestrand.

Áður en að lestun í skipið hófst fóru starfsmenn, flutningafélagsins og tollayfirvöld, yfir farminn svo að lestunin gæti gengið sem best. Farmurinn samanstóð meðal annars af vinnuvélum, stórum spennum, blásurum, ljósavél, 29 húsgámaeiningum og 13 geymslugámum.

Allur búnaðurinn er í góðu ásigkomulagi og meðal annars voru allir gámar sprautaðir fyrir ferðina. Mikil vinna fólst í því að gera búnaðinn tilbúinn undir sjóferðina sem mun taka um 5 daga. Þegar til Snekkestad er komið munu starfsmenn ÍAV hefjast handa við uppsetningu vinnubúðanna fyrir þá starfsmenn sem dvelja munu þar næstu misserin við borun járnbrautarganganna.

Hér að neðan má sjá myndir af búnaði og mannskapnum sem sá um undirbúning.

Twitter Facebook
Til baka

Skrifað undir verksamning um breikkun Reykjanesbrautar
21. maí 2023

Skrifað undir verksamning um breikkun Reykjanesbrautar

Fimmtudaginn 17.maí undirrituðu Íslenskir aðalalverktakar hf. og Vegagerðin verksamning um breikkun Reykjanesbrautar uppá tæpa 4 milljarða. Um er að ræða samstarfsverkefni Vegagerðarinnar, Hafnarfjarðarbæjar, HS Veitna, Mílu, Orkufjarskipta, Ljósleiðarans, Carbfix og Veitna. Verkefnið er síðasti áfangi í tvöföldun Reykjanesbrautar á um 5,6 km kafla við álverið í Straumsvík auk brúarmannvirkja og undirganga fyrir akandi, gangandi og hjólandi. Áætlaður verktími er 3 ár, frá júní 2023 til júní 2026.

Landsbankinn - Dyrnar opnaðar á skrifstofum framtíðarinnar
10. maí 2023

Landsbankinn - Dyrnar opnaðar á skrifstofum framtíðarinnar

Starfsfólk Landsbankans hefur nú hafið flutninga í nýjar höfuðstöðvar. Íslenskir aðalverktakar hafa unnið að verkinu síðustu ár með frábærum samstarfsaðilum. Skrifstofurnar setja ný viðmið á Íslandi þegar kemur að sjálfbærni og nútímalegri vinnuaðstöðu.

Seðlabanki Íslands
27. janúar 2023

Seðlabanki Íslands

Samningur um endurbætur og stækkun á byggingu Seðlabanka Íslands var undirritaður rafrænt þann 29. desember. Verkið felst í að rífa niður og endurbyggja rými á jarðhæð, 1. hæð og 2. hæð ásamt því að reisa nýbyggingu í hjarta bankans í tengslum við aðalinngang og móttöku.

Fréttasafn