Blaðamannafundur í Hörpu
-
Frá blaðamannafundi í Hörpu 29. júní 2010 - mynd S. Pálsson -
Listamaðurinn Ólafur Elíasson hannaði glerhjúpinn og sést hér við stuðlabergsgrind sem er hluti listaverksins
Blaðamannafundur var haldinn í Hörpu í gær en þar sátu fyrir svörum þeir Ólafur Elíasson hönnuður glerhjúpsins, Ósbjörn Jacobsen og Peer Jeppesen aðalarkitektar hússins og Pétur J. Eiríksson stjórnarformaður Portusar. Þeir fóru yfir þær hugmyndir sem lágu að baki Hörpunni og tilvísanir hennar í íslenska náttúru. Voru þeir ánægðir með hvernig þær hugmyndir höfðu þróast yfir í það mannvirki sem nú er að rísa.
Á fundinum kom m.a. fram að Vladimír Ashkenazy muni verða fyrsti stjórnandinn til að stíga á svið og stjórna Sinfóníuhljómsveit Íslands þann 4. maí 2011.
Að sögn Péturs er aðalsalur Hörpunnar þegar uppbókaður frá opnun hússins og fram til jóla 2011.
Frá blaðamannafundi í Hörpu 29. júní 2010 - mynd S. Pálsson
Listamaðurinn Ólafur Elíasson hannaði glerhjúpinn og
sést hér við stuðlabergsgrind sem er hluti listaverksins
