Almennar fréttir

10. september 2012

Búðarháls

Nú er unnið hörðum höndum við að koma fyrir tveimur þrýstivatnspípum sem þjóna munu Búðarhálsvirkjun.

Verkefnið sem ÍAV hefur umsjón með, felur í sér hönnun, smíði, uppsetningu, sandblástur, málun og uppsetningu rennslismæla á tveimur þrýstivatnspípum fyrir Búðarhálsvirkjun.

Þrýstivatnspípurnar eru hvor um sig 5,8 metrar í þvermál og um 50 metrar að lengd. Þykkt pípanna er 20-22 mm og í verkið mun fara um 560 tonn af stáli.  Rörin eru framleidd í 3 metra hólkum sem settir eru saman í 6 metra einingar sem fluttar eru af verksstæði á byggingarstað. Einingarnar verða alls 48 talsins og þyngd þeirra er frá 18-23 tonnum. Einingarnar eru hífðar niður af inntaksmannvirkinu og niður á sérsmíðaðan vagn sem flytur þær á sinn stað. Vagninn er líka notaður til að stilla einingarnar af áður en þær eru festar niður á innsteypta platta.

Vinna við  hönnun verksins hófst í október 2011 og smíði á pípunum byrjaði í janúar 2012. Fyrstu pípunum var komið fyrir á svæðinu í maí sl.  Verkið hefur að mestu verið unnið í undirverktöku.  Verkís sér um hönnun þrýstipípanna auk Montavars. Teknís ehf. sér um smíði og uppsetningu pípanna, Verkvík/Sandtak ehf. um sandblástur og málun þeirra að innan, eftir uppsetningu. Rittmeyer sér um smíði og uppsetningu á flæðimælum.

Gert er ráð fyrir að verklok verði í júní 2013. Fjöldi starfsmanna við verkefnið er 29 manns.

 

Twitter Facebook
Til baka

Fjölnota farþegamiðstöð á Skarfabakka
06. júní 2023

Fjölnota farþegamiðstöð á Skarfabakka

Mánudaginn 5 júní var tilkynnt um niðurstöðu í samkeppni um byggingu Fjölnota farþegamiðstöð á Skarfabakka Um forval og svo alútboð var að ræða. Þrír hópar voru forvaldir og tóku þátt í samkeppni um gæði lausnar, verð og teymið. Það er ánægjulegt að upplýsa um að ÍAV ásamt VSÓ og Brokkr stúdio voru með allra bestu lausnina og sigruðu samkeppnina.

Fréttasafn