Enn veltir litla þúfan þungu......
Við starfsmenn ÍAV erum ótrúlega heppin að hafa átt þess kost að borða hjá henni Röggu síðustu 13 árin. Hún er búin að gleðja okkur endalaust með góðum og hollum mat ástamt því að vera afspyrnu hress matráður sem segir það sem henni býr í brjósti, en alltaf af hugulsemi og væntum þyggju.
Núna var hún enn að gefa, núna 350 þúsund. Í febrúar sl. gaf hún 1,3 milljónir. Í janúar 2015 gaf hún 700 þúsund. Tæpar 3 milljónir frá henni til Umhyggju. Stórkostlegur árangur!
Allnokkur fyrirtæki hafa lagt hönd á plóginn og greitt allan kosnað við útgáfuna þannig að allt sem safnast skilar sér til Umhyggju - félags langveikra barna.
Til hamingju Ragnheiður Ketilsdóttir – við erum stolt af þér!
