Almennar fréttir

04. apríl 2012

Framkvæmdafréttir frá Snekkestad

Framkvæmdir ganga vel hér í Noregi. Búið er að sprengja aðkomugöng að aðalgöngunum og unnið er að svokölluðum millilager fyrir efni úr aðalgöngunum. Í millilagernum þarf að sprengja um það bil 32.000 m³ og er áætlað að sú vinna verði búin í byrjun maí.

Undirbúningur við aðkomuveg við Fegstad og veg inn í aðalgöngin er hafinn og mun sú vinna verða framkvæmd í sumar. Það má eiginlega segja að sumarið sé komið hér í Noregi því veðrið hefur verið með eindæmum gott undanfarnar vikur. Hitastigið hefur verið frá 8 til 20 gráður og í heila viku var hitinn um 18 gráður.

Umsjónarmenn umhverfismála í Vestfold og Telemark Fylke heimsóttu okkur í seinasta mánuði. Þeir skoðuðu hreinsistöðina fyrir vatn frá jarðgöngunum ásamt því sem ýmis önnur umhverfismál voru rædd.

Twitter Facebook
Til baka

Framkvæmdir við Brimketil - áfanga 2
21. júní 2022

Framkvæmdir við Brimketil - áfanga 2

Framkvæmdir við Brimketil áfanga 2 gengu vel þrátt fyrir erfiðar aðstæður vegna brims og flóðs. ÍAV sá um að stækka útsýnispallinn þannig að fólk komist nær stóra Brimkatlinum og bæta aðgengi að stiga. Verk lauk í byrjun júní.

Njálsgata 65
24. maí 2022

Njálsgata 65

Það líður að verklokum á Njálsgötu 65. Verk hófst nóvember 2021. Um er að ræða 12 innréttaðar íbúðri og uppsetning á flóttastiga. Verkkaupi er Félagsbústaðir og húsnæðið er ætlað sem endurhæfingarhúsnæði fyrir konur, sem hafa lent í félagslegum áföllum af ýmsu tagi. Þarna mun hver einstaklingur dvelja í um tvo til þrjá mánuði.

Skíðalyftur í Bláfjöllum - fyrsta skóflustungan
28. apríl 2022

Skíðalyftur í Bláfjöllum - fyrsta skóflustungan

ÍAV tekur þátt í byggingu tveggja nýrra skíðalyfta í Bláfjöllum. Lyfturnar heita Gosi, sem verður á Suðursvæði, og Drottning, sem verður við Kóngsgil. Þær munu leysa af hólmi eldri lyftur sem bera sömu nöfn. Um er að ræða fjögurra sæta stólalyftur og er verkið er unnið í samstarfi við austuríska lyftuframleiðandann Doppelmayr, sem jafnframt er aðalverktaki verksins. ÍAV mun sjá um jarðvinnu, steypu á undirstöðum fyrir möstur og endastöðvar ásamt reisingu stálgrindarhúsa yfir botnstöðvum og stólageymslu o.fl. Doppelmayr mun síðan sjá um uppsetningu sjálfra lyftanna og alls búnaðar tengdum henni. Fyrsta skóflustunga var tekin núna í vikunni og eru framkvæmdir því formlega byrjaðar.

Fréttasafn