Almennar fréttir

20. apríl 2010

Framkvæmdum við hæsta íbúðaturn landsins að ljúka

Framkvæmdum við annan áfanga í Skugga mun senn ljúka. Verklegar framkvæmdir hófust við þennan áfanga í lok árs 2006 og hafa starfsmenn ÍAV því verið á staðnum í ríflega þrjú ár. Í upphafi var gert ráð fyrir frekari framkvæmdum en af þeim verður ekki um sinn.

Annar áfangi samanstendur af fimm fjölbýlishúsum en alls er gert ráð fyrir 97 íbúðum í húsunum. Þess má geta að hæsti turninn er 19 hæðir og stendur rúma 68 metra yfir sjávarmáli og er hann þ.a.l. hæsti íbúðaturn landsins.

Nú er verið að ljúka við utanhúsfrágang á húsunum en flest húsin eru nú að nálgast sína endanlegu mynd að utan og óhætt er að segja að um glæsileg hús er ræða. Einungis fimm íbúðir af þeim 97 sem ráðgert var að yrðu í húsunum hafa verið innréttaðar og óljóst er hvert framhaldið verður.

Í byggingarnar hafa farið um 12.500 m3 af steypu, rúmlega 5.100 fm2 af gluggum, 2.800 fm2 af steinflísum og 2.600 fm2 af öðrum klæðningarefnum.

Twitter Facebook
Til baka

Ný tæki hjá ÍAV
23. september 2022

Ný tæki hjá ÍAV

Eftir talsverða bið þá er ánægjulegt að segja frá því að ÍAV hefur á síðustu mánuðum fengið afhent talsvert af nýjum tækjum. Má þar helst nefna Volvo beltagröfu , Caterpillar beltagröfu, tvær Volvo hjólagröfur, Volvo hjólaskóflu, Liebherr hjólaskóflu, Caterpillar jarðýtu og Liebherr byggingakrana. Endurnýjun tækja er ein af megin forsendum góðs rekstrar og er það trú okkar að þessi tæki muni styðja við rekstur ÍAV á komandi árum.

Opnað fyrir umferð um nýjan kafla Suðurlandsvegar
09. september 2022

Opnað fyrir umferð um nýjan kafla Suðurlandsvegar

Opnað var fyrir umferð um hringtorg við Biskupstungnabraut og nýjan kafla Suðurlandsvegar undir Ingólfsfjalli í gær. Fjallað var um framkvæmdina og opnunina á heimasíðu vegagerðarinnar og í fréttum í gær.

Framkvæmdir við Brimketil - áfanga 2
21. júní 2022

Framkvæmdir við Brimketil - áfanga 2

Framkvæmdir við Brimketil áfanga 2 gengu vel þrátt fyrir erfiðar aðstæður vegna brims og flóðs. ÍAV sá um að stækka útsýnispallinn þannig að fólk komist nær stóra Brimkatlinum og bæta aðgengi að stiga. Verk lauk í byrjun júní.

Fréttasafn