Almennar fréttir

30. ágúst 2016

Góður gangur við gerð Vaðlaheiðarganga

„Nú eru eftir 1.351 metrar af greftri Vaðlaheiðarganga (5.855 m búnir). Gröftur hefur gengið ágætlega síðustu vikur þrátt fyrir erfiðar aðstæður.

Grafnir voru 62 metrar í Eyjafirði í síðustu viku sem er mjög gott.

Búið er að grafa og styrkja um 2/3 hluta hrunsvæðisins í Fnjóskadal og er áætlað að jarðgangagröftur muni hefjast að nýju upp úr mánaðarmótum Sept/Okt.

Vegavinna hefur verið í gangi í sumar og er ætlunin að klára að mestu massa tilfærslurnar í vegagerðinni á þessu hausti. Burðarlög og klæðningar munu hinsvegar bíða vors.

Ætla má að verkið klárist vorið 2018 að öllu óbreyttu.

Twitter Facebook
Til baka

Skíðalyftur í Bláfjöllum - fyrsta skóflustungan
28. apríl 2022

Skíðalyftur í Bláfjöllum - fyrsta skóflustungan

ÍAV tekur þátt í byggingu tveggja nýrra skíðalyfta í Bláfjöllum. Lyfturnar heita Gosi, sem verður á Suðursvæði, og Drottning, sem verður við Kóngsgil. Þær munu leysa af hólmi eldri lyftur sem bera sömu nöfn. Um er að ræða fjögurra sæta stólalyftur og er verkið er unnið í samstarfi við austuríska lyftuframleiðandann Doppelmayr, sem jafnframt er aðalverktaki verksins. ÍAV mun sjá um jarðvinnu, steypu á undirstöðum fyrir möstur og endastöðvar ásamt reisingu stálgrindarhúsa yfir botnstöðvum og stólageymslu o.fl. Doppelmayr mun síðan sjá um uppsetningu sjálfra lyftanna og alls búnaðar tengdum henni. Fyrsta skóflustunga var tekin núna í vikunni og eru framkvæmdir því formlega byrjaðar.

Fjölnota íþróttahúsið í Garðabæ afhent
22. mars 2022

Fjölnota íþróttahúsið í Garðabæ afhent

Íslenskir aðalverktakar hf. afhentu Garðabæ nýtt fjölnotaíþróttahús í byrjun febrúar. Við erum stolt af því að hafa byggt og hönnunarstýrt þessu mannvirki í góðu samstarfi við Verkís verkfræðistofu og Ask arkitekta.

Sjóvarnargarður við Ánanaust
04. febrúar 2022

Sjóvarnargarður við Ánanaust

ÍAV hóf nýlega vinnu við endurbyggingu á sjóvarnargarði við Ánanaust í vesturbæ Reykjavíkur. Verkið er áframhald af endurnýjun grjótvarnar meðfram Eiðsgranda, en framkvæmdum er nýlokið á kaflanum frá skólpdælustöð við Boðagranda að hringtorgi á mótum Ánanausta og Hringbrautar. Myndband af drónaflugi yfir vinnusvæðið má sjá á tenglinum: https://youtu.be/BQGGxsixsuQ

Fréttasafn