Almennar fréttir

27. nóvember 2008

Hópuppsögn vegna efnahagserfiðleika

Í ljósi mikils samdráttar í íslensku efnahagslífi undanfarna mánuði og vegna efnahagslegra afleiðinga fjármálakreppunar, hefur orðið mikill samdráttur á verktaka- og fasteignamarkaði. Mikil óvissa er um öflun nýrra verkefna og sökum þess neyðist ÍAV til þess að segja upp 151 starfsmanni. Þá verður 19 starfsmönnum til viðbótar boðin önnur störf innan félagsins eða lækkað starfshlutfall. Uppsagnirnar ná til starfsmanna úr öllum þeim starfsstéttum er starfa hjá félaginu og hefur Vinnumálastofnun verið tilkynnt um uppsagnirnar. Eftir uppsagnirnar munu yfir 400 manns starfa hjá ÍAV auk nokkur hundruð starfsmanna undirverktaka.

Starfsfólki sem hefur verið sagt upp störfum verður veitt ráðgjöf varðandi réttindi sín, aðstoðað við atvinnuleit og aðra tengda þætti. Forsvarsmenn ÍAV munu leitast við að liðsinna öllum sínum starfsmönnum hvað best þeir geta.

Á örfáum mánuðum hafa rekstrarforsendur fyrirtækja í verktaka- og byggingariðnaði snúist hratt til verri vegar. Eftir fall bankanna hefur staðan versnað enn frekar og ríkir óvissa um framhald margra verkefna. Opinberir aðilar hafa hætt við eða frestað fyrirhuguðum útboðum á ný framkvæmdum og einstaklingar og fyrirtæki hafa lagt til hliðar áform sín um framkvæmdir að sinni. Í ljósi aðstæðna er það mat stjórnenda ÍAV að við blasi verulegur samdráttur á verktaka- og byggingamarkaði á næstu mánuðum.

Eftir sem áður verður ÍAV einn af burðarásum íslensks verktaka- og byggingariðnaðar með yfir 400 starfsmenn á launaskrá auk nokkur hundruð starfsmanna undirverktaka. ÍAV vinnur að mörgum stórum og áhugaverðum verkefnum og verður félagið áfram virkur þátttakandi á verktakamarkaði.

Twitter Facebook
Til baka

Dynjandisheiði
29. september 2021

Dynjandisheiði

Gott viðtal við Bjarka Laxdal sem sýnt var í kvöldfréttum Stöðvar 2 vegna Dynjandisheiði 20.sept s.l.

Áfanga ll - Stapaskóli
22. september 2021

Áfanga ll - Stapaskóli

ÍAV hefur undirritað samning við Reykjansbæ um uppbyggingu á áfanga ll við Stapaskóla á Dalsbraut 11-13. Flatarmál stækkunarinnar er 5600 m2 og mun stækkunin hýsa fullbúið íþróttahús sem rúmar fullan keppnisvöll í körfubolta með allt að 1.200 áhorfendur og 25 metra innisundlaug ásamt heitum pottum. Vinnan hefst strax og afhending verður 15. desember 2022.

Fjölnota Íþróttahús í Garðabæ
20. september 2021

Fjölnota Íþróttahús í Garðabæ

Framkvæmdir á fjölnota íþróttahúsi Garðabæjar ganga vel. Unnið er að glugga ísetningu sem er komin langt á veg og byrjað er að klæða húsið. Verið er að ganga frá samning um bílastæði við íþróttahúsið en búið er að gefa leyfi á að hefja framkvæmdir og munu þær hefjast í þessum mánuði. Innanhússfrágangur inni í sal er einnig á fullu og stefnt er að því að klára allan þann frágang í október og í kjölfari leggja niður gervigrasið. Búið er að flísaleggja stóran hluta veggja og stefnt er að því að klára gólfflísar í október. Í kjölfari koma innréttingar, bekkir og snagar inn. Um er að ræða 10.000 fm salur en alls 17.000 fm hús. Afhenda á íþróttahúsið um miðjan desember.

Framkvæmdir hafnar í Hraunbæ
13. ágúst 2021

Framkvæmdir hafnar í Hraunbæ

ÍAV undirrituðu þann 4. júní 2021 s.l verksamning sem felur í sér að ÍAV byggi og afhendi alls 64 almennar leiguíbúðir við Hraunbæ 133. Samtals eru 59 íbúðir í tveimur 3-5 hæða blokkum með 4 stigagöngum, auk þess raðhús á tveimur hæðum með 5 íbúðum. Nú eru framkvæmdir hafnar. Jarðvinnan byrjaði í júlí og fyrstu smiðir komu á staðinn á mánudaginn og þá hófst uppsteypa.

Fréttasafn