Almennar fréttir

18. mars 2011

Hópur Kínverja skoðar framkvæmdir við Hörpu

Í morgun heimsótti Hörpuna um 15 manna hópur frá Wuhan í Kína. Um er að ræða aðstoðarborgarstjóra Wuhanborgar ásamt fylgdarliði en glerhjúpur Hörpunnar er framleiddur af fyrirtækinu Lingyun í Wuhan.

Þegar samningur um glerhjúpinn var undirritaður í Wuhan í janúar 2008 tók borgarstjóri Wuhan fullan þátt í henni og veitir borgin Lingyun nauðsynlegan stuðning í þessu flókna og erfiða verkefni. Framleiðsla glerhjúpsins er nú á lokastigi en þegar mest var unnu um 400 manns við smíði hans í Wuhan.

Vinna við uppsetningu glerhjúpsins er nú í fullum gangi og starfa nú yfir 60 manns við það og mun þeim fjölga í yfir 100 í apríl.

Twitter Facebook
Til baka

Ný tæki hjá ÍAV
23. september 2022

Ný tæki hjá ÍAV

Eftir talsverða bið þá er ánægjulegt að segja frá því að ÍAV hefur á síðustu mánuðum fengið afhent talsvert af nýjum tækjum. Má þar helst nefna Volvo beltagröfu , Caterpillar beltagröfu, tvær Volvo hjólagröfur, Volvo hjólaskóflu, Liebherr hjólaskóflu, Caterpillar jarðýtu og Liebherr byggingakrana. Endurnýjun tækja er ein af megin forsendum góðs rekstrar og er það trú okkar að þessi tæki muni styðja við rekstur ÍAV á komandi árum.

Opnað fyrir umferð um nýjan kafla Suðurlandsvegar
09. september 2022

Opnað fyrir umferð um nýjan kafla Suðurlandsvegar

Opnað var fyrir umferð um hringtorg við Biskupstungnabraut og nýjan kafla Suðurlandsvegar undir Ingólfsfjalli í gær. Fjallað var um framkvæmdina og opnunina á heimasíðu vegagerðarinnar og í fréttum í gær.

Framkvæmdir við Brimketil - áfanga 2
21. júní 2022

Framkvæmdir við Brimketil - áfanga 2

Framkvæmdir við Brimketil áfanga 2 gengu vel þrátt fyrir erfiðar aðstæður vegna brims og flóðs. ÍAV sá um að stækka útsýnispallinn þannig að fólk komist nær stóra Brimkatlinum og bæta aðgengi að stiga. Verk lauk í byrjun júní.

Fréttasafn