Almennar fréttir

17. júní 2007

Hornsteinn lagður að Háskólatorgi

Á 96 ára afmæli Háskóla Íslands, þann 17. Júní, var hornsteinn lagður að Háskólatorgi við hátíðlega athöfn. Í ávarpi Kristínar Ingólfsdóttur rektors við lagningu hornsteinsins kom fram að Háskólatorg mun gjörbreyta möguleikum Háskóla Íslands til að veita stúdentum sínum góða þjónustu og styðja þá við nám og starf.

Í hólki hornsteinsins er að finna merki Háskóla Íslands, teikningar af byggingunum bæði prentaðar og á minnislykli, ásamt sögu Háskólatorgs frá því að hugmyndin kom fyrst fram og allt til lagningar hornsteinsins.

Framkvæmdir við byggingu Háskólatorgs ganga samkvæmt áætlun uppsteypu er lokið og nú rísa stálvirkin sem marka útlínur bygginganna. Unnið er við að grófjafna lóð og í byrjun ágúst verður hafist handa við lokafrágang hennar. Stærsti hluti bygginganna verður tekinn í notkun í árslok 2007 og 3. hæð í Háskólatorgi 2 í febrúar 2008.

Twitter Facebook
Til baka

Njálsgata 65
24. maí 2022

Njálsgata 65

Það líður að verklokum á Njálsgötu 65. Verk hófst nóvember 2021. Um er að ræða 12 innréttaðar íbúðri og uppsetning á flóttastiga. Verkkaupi er Félagsbústaðir og húsnæðið er ætlað sem endurhæfingarhúsnæði fyrir konur, sem hafa lent í félagslegum áföllum af ýmsu tagi. Þarna mun hver einstaklingur dvelja í um tvo til þrjá mánuði.

Skíðalyftur í Bláfjöllum - fyrsta skóflustungan
28. apríl 2022

Skíðalyftur í Bláfjöllum - fyrsta skóflustungan

ÍAV tekur þátt í byggingu tveggja nýrra skíðalyfta í Bláfjöllum. Lyfturnar heita Gosi, sem verður á Suðursvæði, og Drottning, sem verður við Kóngsgil. Þær munu leysa af hólmi eldri lyftur sem bera sömu nöfn. Um er að ræða fjögurra sæta stólalyftur og er verkið er unnið í samstarfi við austuríska lyftuframleiðandann Doppelmayr, sem jafnframt er aðalverktaki verksins. ÍAV mun sjá um jarðvinnu, steypu á undirstöðum fyrir möstur og endastöðvar ásamt reisingu stálgrindarhúsa yfir botnstöðvum og stólageymslu o.fl. Doppelmayr mun síðan sjá um uppsetningu sjálfra lyftanna og alls búnaðar tengdum henni. Fyrsta skóflustunga var tekin núna í vikunni og eru framkvæmdir því formlega byrjaðar.

Fjölnota íþróttahúsið í Garðabæ afhent
22. mars 2022

Fjölnota íþróttahúsið í Garðabæ afhent

Íslenskir aðalverktakar hf. afhentu Garðabæ nýtt fjölnotaíþróttahús í byrjun febrúar. Við erum stolt af því að hafa byggt og hönnunarstýrt þessu mannvirki í góðu samstarfi við Verkís verkfræðistofu og Ask arkitekta.

Sjóvarnargarður við Ánanaust
04. febrúar 2022

Sjóvarnargarður við Ánanaust

ÍAV hóf nýlega vinnu við endurbyggingu á sjóvarnargarði við Ánanaust í vesturbæ Reykjavíkur. Verkið er áframhald af endurnýjun grjótvarnar meðfram Eiðsgranda, en framkvæmdum er nýlokið á kaflanum frá skólpdælustöð við Boðagranda að hringtorgi á mótum Ánanausta og Hringbrautar. Myndband af drónaflugi yfir vinnusvæðið má sjá á tenglinum: https://youtu.be/BQGGxsixsuQ

Fréttasafn