Almennar fréttir

14. nóvember 2007

Hrólfsskálamelur á Seltjarnarnesi

Í byggingu er 26 íbúða fjölbýlishús við Hrólfsskálamel 2-8 á Seltjarnarnesi, húsið er þrjár hæðir og bílakjallari. Íbúðirnar eru rúmgóðar og bjartar og mikið í þær lagt. Framkvæmdir hófust um miðjan maí 2007 og verða fyrstu íbúðirnar afhentar í nóvember 2008. Íbúðirnar eru einstaklega glæsilegar, á það jafnt við um hönnun, efnisval, búnað og frágang. Staðsetningin er einstök og stutt í allt það besta sem Seltjarnarnes hefur upp á að bjóða. Húsin eru hönnuð af arkitektastofunni Hornsteinum.

Hærra er til lofts en almennt gerist, innfelld lýsing verður í loftum með Instabus ljósastýringakerfi. Gólfhiti er með þráðlausum nemum. Í hverri íbúð verður plankaparket, baðherbergin flísalögð sem og forstofu- og þvottahúsgólf. Innréttingar verða frá danska fyrirtækinu JKE Design með granít-borðplötum og heimilistæki frá Miele. Mikil áhersla er lögð á hljóðeinangrun milli íbúða, sem næst með tvöföldum gólfum. Skýli úr hertu gleri verða á svölum. Mynddyrasímar og myndavélakerfi eru í aðalanddyrum stigahúsanna. Lyftur eru í öllum stigahúsum. Að utan eru húsin klædd að mestu með leirbrenndum flísum og að hluta með sléttri álklæðningu. Allir gluggar eru álklæddir timburgluggar. Afhending fyrstu íbúða er í nóvember 2008.

Verkefnastjóri er Leó Jónsson og byggingarstjóri er Guðmundur Jóhannesson

Twitter Facebook
Til baka

Seðlabanki Íslands
27. janúar 2023

Seðlabanki Íslands

Samningur um endurbætur og stækkun á byggingu Seðlabanka Íslands var undirritaður rafrænt þann 29. desember. Verkið felst í að rífa niður og endurbyggja rými á jarðhæð, 1. hæð og 2. hæð ásamt því að reisa nýbyggingu í hjarta bankans í tengslum við aðalinngang og móttöku.

Nýtt knattspyrnuhús fyrir íþróttafélagið Hauka
22. desember 2022

Nýtt knattspyrnuhús fyrir íþróttafélagið Hauka

Samningur um byggingu 1. áfanga nýs knatthúss fyrir íþróttafélagið Hauka á svæði félagsins á Völlunum í Hafnarfirði var undirritaður í ráðhúsi Hafnarfjarðar þann 28. nóvember. Um er að ræða reisingu og heildarfrágang á stálgrindarhúsi með steyptum veggjum yfir löglegan knattspyrnuvöll þar sem fram eiga að geta farið keppnisleikir í hvaða móti sem er. Enn fremur verður steypt þjónustubygging við enda vallarins sem ekki verður gengið frá að innan. Af tilefni undirritunar samningsins höfðu Hafnfirðingar látið baka glæsilega tertu í líki hússins

Fréttasafn