Almennar fréttir

11. júlí 2013

Hús íslenskra fræða - verklok

Jarðvinnuverkefni við grunn Húss íslenskra fræða lauk í júní sl.  Verkið var að mestu hefðbundið jarðvinnuverk, uppúrtekt úr grunni fyrir húsið og sprengt fyrir kjallara og lögnum.  Alls voru fluttir ríflega 30 þúsund rúmmetrar af efni úr grunninum.   Þá var lögð um 380 metra löng jarðvatnslögn frá húsgrunninum í tjörn við Norræna húsið, þar af voru um 140 metrar boraðir undir Suðurgötuna og framfyrir aðalbyggingu Háskóla Íslands.  Lögninni er ætlað að fjarlægja mögulegt jarðvatn við húsið auk þess að virka sem varalögn ef vatn kemst inn í húsið.

Verkefnið var unnið eftir BREEAM umhverfisstaðli. BREEAM staðallinn felur m.a. í sér að markvisst er reynt að draga úr umhverfisáhrifum vegna verkefnisins, s.s. notkun díselolíu og annarra orkugjafa, hugað er að náttúru og mannlífi við vinnustaðinn og öryggi starfsmanna og vegfaranda er haft að leiðarljósi.

ÍAV þakkar öllum nágrönnum og vegfarendum sýnt umburðarlyndi meðan á verkframkvæmdum stóð og vonar að truflun vegna þeirra hafi verið í lágmarki.

Twitter Facebook
Til baka

Ný tæki hjá ÍAV
23. september 2022

Ný tæki hjá ÍAV

Eftir talsverða bið þá er ánægjulegt að segja frá því að ÍAV hefur á síðustu mánuðum fengið afhent talsvert af nýjum tækjum. Má þar helst nefna Volvo beltagröfu , Caterpillar beltagröfu, tvær Volvo hjólagröfur, Volvo hjólaskóflu, Liebherr hjólaskóflu, Caterpillar jarðýtu og Liebherr byggingakrana. Endurnýjun tækja er ein af megin forsendum góðs rekstrar og er það trú okkar að þessi tæki muni styðja við rekstur ÍAV á komandi árum.

Opnað fyrir umferð um nýjan kafla Suðurlandsvegar
09. september 2022

Opnað fyrir umferð um nýjan kafla Suðurlandsvegar

Opnað var fyrir umferð um hringtorg við Biskupstungnabraut og nýjan kafla Suðurlandsvegar undir Ingólfsfjalli í gær. Fjallað var um framkvæmdina og opnunina á heimasíðu vegagerðarinnar og í fréttum í gær.

Framkvæmdir við Brimketil - áfanga 2
21. júní 2022

Framkvæmdir við Brimketil - áfanga 2

Framkvæmdir við Brimketil áfanga 2 gengu vel þrátt fyrir erfiðar aðstæður vegna brims og flóðs. ÍAV sá um að stækka útsýnispallinn þannig að fólk komist nær stóra Brimkatlinum og bæta aðgengi að stiga. Verk lauk í byrjun júní.

Fréttasafn