Hveragerði - opið hús á sumardaginn fyrsta
Þann 19. apríl – á sumardaginn fyrsta, var söludeild ÍAV með opið hús að Lækjarbrún 20 í Hveragerði. Íbúðunum sem eru 2ja og 3ja herbergja frá 86 – 99 fm verður skilað fullbúnum með parketi á gólfum og flísalögðum gólfum á baðherbergi, þvottaherbergi og forstofu.
Þjónustuhús við Lækjarbrún í Hveragerði veita íbúum þeirra tækifæri til að njóta lífsins í faðmi einstakrar náttúru og jafnframt aðgang að margvíslegri þjónustu Heilsustofnunar náttúrulækningafélags Íslands. Kaupendur gerast sjálfkrafa aðilar að samningi við HNLFÍ sem veitir aðgang að viðamikilli þjónustu heilsustofnunarinnar gegn greiðslu mánaðarlegs grunngjalds.
Rómuð náttúrufegurð, friðsæld og nálægð við hvers kyns þjónustu ásamt fallegum gönguleiðum, golfvelli og hesthúsum eru nokkrir af þeim kostum til að njóta lífsins sem bjóðast í Hveragerði.
