Jón Gnarr heimsótti starfsmenn ÍAV
Það var enginn annar en „frambjóðandinn„ Jón Gnarr sem leit við fyrir skemmstu og heilsaði upp á starfsmenn ÍAV sem vinna við byggingu Tónlistar- og ráðstefnuhússins Hörpu. Hann var í þeim erindagjörðum að kynna sig sem frambjóðanda „Besta flokksins“.
Enginn veit hvort um grín eða alvöru er að ræða en starfsmönnum ÍAV var skemmt að fá grínarann í heimsókn og tóku vel á móti honum. Þegar líður að borgarstjórnarkosningum kemur væntanlega í ljós hvers kyns er, grín eða alvara.
