Kraftvélar

ÍAV hefur tekið að sér að vinna með P.S. Fasteignum ehf að stækkun húsnæðis Kraftvéla að Dalvegi 6-8. ÍAV hefur umsjón með hönnun og verkframkvæmdinni allri í samræmi við hönnun og lausnir sem aðilar hafa sameiginlega lagt til. Verksamningur er háður marksamningi samningsaðila um heildarkostnað verksins.

Áformuð stækkun er samtals 925 m2. Stækkun er annarsvegar á verkstæðisbyggingu og hins vegar nýbygging lagerhúsnæðis sem er um 525 m2. Lagerhúsnæðið er á einni hæð og verður grafið út fyrir því þar sem núverandi bílastæði er. Gengið verður frá þaki lagers þannig að hægt verður að nýta það sem bílastæði fyrir léttar bifreiðar. Verklok eru áætluð í október 2005. Verkefnastjóri er Guðmundur Karl Marinósson og byggingarstjóri er Guðmundur Konráðsson.