Almennar fréttir

30. nóvember 2009

Lokasprenging í Bolungarvíkurgöngum

Síðasta sprengingin í Bolungarvíkurgöngum var sprengd á laugardaginn og var það Kristján L. Möller samgönguráðherra sem það gerði. Um 230 gestir voru saman komnir inni í göngunum þegar sprengt var og voru öryggisráðstafanir miklar. Um kvöldið fögnuðu starfsmenn Ósafls með samstarfsaðilum á verkstæðinu að Ósi sem búið var að gera að hinum fínasta skemmtistað.

Áður en lokasprengingin fór fram buðu Bolungarvíkurkaupstaður og Ísafjarðarbær til veislu í íþróttahúsi Bolungarvíkur þar sem fluttar voru ræður og gestir nutu tónlistar. Boðið var upp á glæsilega tertu sem var eftirlíking ganganna í hlutföllunum 1 á móti 1000. Ljóst er að mikil eftirvænting er hjá íbúum fyrir vestan með að brátt verður hægt að keyra í gegnum göngin og var því mikil hátíð í bænum.

Á sunnudaginn var svo boðið upp á rútuferðir í gegnum göngin. Mikill áhugi var á ferðunum og nýttu um 400 manns tækifærið og skoðuðu göngin. Auk rútuferðanna bauð Ósafl til kaffisamsætis í matsal og þar var einnig hægt að skoða myndir af framgangi verksins.  Einnig voru til sýnis steinar sem komið hafa í ljós við gerð ganganna.

 

Twitter Facebook
Til baka

Skíðalyftur í Bláfjöllum - fyrsta skóflustungan
28. apríl 2022

Skíðalyftur í Bláfjöllum - fyrsta skóflustungan

ÍAV tekur þátt í byggingu tveggja nýrra skíðalyfta í Bláfjöllum. Lyfturnar heita Gosi, sem verður á Suðursvæði, og Drottning, sem verður við Kóngsgil. Þær munu leysa af hólmi eldri lyftur sem bera sömu nöfn. Um er að ræða fjögurra sæta stólalyftur og er verkið er unnið í samstarfi við austuríska lyftuframleiðandann Doppelmayr, sem jafnframt er aðalverktaki verksins. ÍAV mun sjá um jarðvinnu, steypu á undirstöðum fyrir möstur og endastöðvar ásamt reisingu stálgrindarhúsa yfir botnstöðvum og stólageymslu o.fl. Doppelmayr mun síðan sjá um uppsetningu sjálfra lyftanna og alls búnaðar tengdum henni. Fyrsta skóflustunga var tekin núna í vikunni og eru framkvæmdir því formlega byrjaðar.

Fjölnota íþróttahúsið í Garðabæ afhent
22. mars 2022

Fjölnota íþróttahúsið í Garðabæ afhent

Íslenskir aðalverktakar hf. afhentu Garðabæ nýtt fjölnotaíþróttahús í byrjun febrúar. Við erum stolt af því að hafa byggt og hönnunarstýrt þessu mannvirki í góðu samstarfi við Verkís verkfræðistofu og Ask arkitekta.

Sjóvarnargarður við Ánanaust
04. febrúar 2022

Sjóvarnargarður við Ánanaust

ÍAV hóf nýlega vinnu við endurbyggingu á sjóvarnargarði við Ánanaust í vesturbæ Reykjavíkur. Verkið er áframhald af endurnýjun grjótvarnar meðfram Eiðsgranda, en framkvæmdum er nýlokið á kaflanum frá skólpdælustöð við Boðagranda að hringtorgi á mótum Ánanausta og Hringbrautar. Myndband af drónaflugi yfir vinnusvæðið má sjá á tenglinum: https://youtu.be/BQGGxsixsuQ

Fréttasafn