Almennar fréttir

13. maí 2019

Nýr verksamningur

Bjarg Íbúðafélag hses. og ÍAV undirrituðu þann 10. maí 2019 verksamning sem felur í sér að ÍAV byggi og afhendi 99 almennar leiguíbúðir í samtals í fjórum 2-5 hæða blokkum með 6 stigagöngum. Blokkirnar munu rísa við Hraunbæ í Reykjavík

Samningsform er fast heildarverð.

Blokkirnar verða afhentar í þremur áföngum:

  • 13. október 2020
  • 8. desember 2020
  • 12. febrúar 2021

Verkefnastjóri verður Leó Jónsson, byggingaverkstjóri Skúli Bjarnason og tæknimaður Karol Zentana.

Miðað er við að jarðvegsframkvæmdir og aðstöðusköpun hefjist í lok maí 2019.

Samningsferlið er byggt á reynslu af sambærilegu verkefni á Móavegi, þ.e. að samningsundirritun er niðurstaða af forhönnunarferli verkkaupa, verktaka og hönnuða sem hófst þann 9. janúar 2019.

 

 

Twitter Facebook
Til baka

Framkvæmdir við Brimketil - áfanga 2
21. júní 2022

Framkvæmdir við Brimketil - áfanga 2

Framkvæmdir við Brimketil áfanga 2 gengu vel þrátt fyrir erfiðar aðstæður vegna brims og flóðs. ÍAV sá um að stækka útsýnispallinn þannig að fólk komist nær stóra Brimkatlinum og bæta aðgengi að stiga. Verk lauk í byrjun júní.

Njálsgata 65
24. maí 2022

Njálsgata 65

Það líður að verklokum á Njálsgötu 65. Verk hófst nóvember 2021. Um er að ræða 12 innréttaðar íbúðri og uppsetning á flóttastiga. Verkkaupi er Félagsbústaðir og húsnæðið er ætlað sem endurhæfingarhúsnæði fyrir konur, sem hafa lent í félagslegum áföllum af ýmsu tagi. Þarna mun hver einstaklingur dvelja í um tvo til þrjá mánuði.

Skíðalyftur í Bláfjöllum - fyrsta skóflustungan
28. apríl 2022

Skíðalyftur í Bláfjöllum - fyrsta skóflustungan

ÍAV tekur þátt í byggingu tveggja nýrra skíðalyfta í Bláfjöllum. Lyfturnar heita Gosi, sem verður á Suðursvæði, og Drottning, sem verður við Kóngsgil. Þær munu leysa af hólmi eldri lyftur sem bera sömu nöfn. Um er að ræða fjögurra sæta stólalyftur og er verkið er unnið í samstarfi við austuríska lyftuframleiðandann Doppelmayr, sem jafnframt er aðalverktaki verksins. ÍAV mun sjá um jarðvinnu, steypu á undirstöðum fyrir möstur og endastöðvar ásamt reisingu stálgrindarhúsa yfir botnstöðvum og stólageymslu o.fl. Doppelmayr mun síðan sjá um uppsetningu sjálfra lyftanna og alls búnaðar tengdum henni. Fyrsta skóflustunga var tekin núna í vikunni og eru framkvæmdir því formlega byrjaðar.

Fréttasafn