Almennar fréttir

14. nóvember 2007

Norðurbakki Hafnarfirði

Í ágúst 2007 voru sett í sölu fyrstu tvö húsin af fjórum sem fyrirtækið byggir við Norðurbakkann í Hafnarfirði. Þau verða á fjórum til fimm hæðum með lyftu sem gengur niður í sameiginlegan bílakjallara. Sérstæði í bílageymslu fylgir hverri íbúð. Húsin verða klædd viðhaldslítilli álklæðningu og að hluta til með harðviði. Gluggar verða álklæddir timburgluggar. Íbúðunum verður skilað fullbúnum með parketi á gólfum en baðherbergis- og þvottahúsgólf verða flísalögð.

Húsin eru hönnuð og teiknuð af arkitektastofunni Batteríinu. Lögð hefur verið áhersla á að hafa íbúðirnar stórar og bjartar. Gluggar ná niður í gólf sem hleypa inn meiri birtu. Þá er lofthæð meiri heldur en gengur og gerist. Sérstaklega er hugað að  hljóðeinangrun með tvöföldum upphituðum gólfum.  Mynddyrasími, brunaviðvörunarkerfi, loftskiptakerfi, snjóbræðslukerfi á göngustígum og tvennar svalir með vindskermum verða með flestum íbúðum. Innréttingar verða spónlagðar og hægt að velja á milli þriggja viðartegunda. Heimilistæki verða vönduð og með burstaðri stáláferð. Við hönnun lóða er lögð rík áhersla á snyrtilegan frágang og notagildi. Á þaki bílakjallara er sameiginlegur garður með leiksvæði garðbekkjum og púttvelli. Fyrstu íbúðir verða afhentar í maí 2008.

Verkefnastjóri er Gylfi Ástbjartsson og byggingarstjóri er Kristján Sigurðsson

Twitter Facebook
Til baka

Njálsgata 65
24. maí 2022

Njálsgata 65

Það líður að verklokum á Njálsgötu 65. Verk hófst nóvember 2021. Um er að ræða 12 innréttaðar íbúðri og uppsetning á flóttastiga. Verkkaupi er Félagsbústaðir og húsnæðið er ætlað sem endurhæfingarhúsnæði fyrir konur, sem hafa lent í félagslegum áföllum af ýmsu tagi. Þarna mun hver einstaklingur dvelja í um tvo til þrjá mánuði.

Skíðalyftur í Bláfjöllum - fyrsta skóflustungan
28. apríl 2022

Skíðalyftur í Bláfjöllum - fyrsta skóflustungan

ÍAV tekur þátt í byggingu tveggja nýrra skíðalyfta í Bláfjöllum. Lyfturnar heita Gosi, sem verður á Suðursvæði, og Drottning, sem verður við Kóngsgil. Þær munu leysa af hólmi eldri lyftur sem bera sömu nöfn. Um er að ræða fjögurra sæta stólalyftur og er verkið er unnið í samstarfi við austuríska lyftuframleiðandann Doppelmayr, sem jafnframt er aðalverktaki verksins. ÍAV mun sjá um jarðvinnu, steypu á undirstöðum fyrir möstur og endastöðvar ásamt reisingu stálgrindarhúsa yfir botnstöðvum og stólageymslu o.fl. Doppelmayr mun síðan sjá um uppsetningu sjálfra lyftanna og alls búnaðar tengdum henni. Fyrsta skóflustunga var tekin núna í vikunni og eru framkvæmdir því formlega byrjaðar.

Fjölnota íþróttahúsið í Garðabæ afhent
22. mars 2022

Fjölnota íþróttahúsið í Garðabæ afhent

Íslenskir aðalverktakar hf. afhentu Garðabæ nýtt fjölnotaíþróttahús í byrjun febrúar. Við erum stolt af því að hafa byggt og hönnunarstýrt þessu mannvirki í góðu samstarfi við Verkís verkfræðistofu og Ask arkitekta.

Sjóvarnargarður við Ánanaust
04. febrúar 2022

Sjóvarnargarður við Ánanaust

ÍAV hóf nýlega vinnu við endurbyggingu á sjóvarnargarði við Ánanaust í vesturbæ Reykjavíkur. Verkið er áframhald af endurnýjun grjótvarnar meðfram Eiðsgranda, en framkvæmdum er nýlokið á kaflanum frá skólpdælustöð við Boðagranda að hringtorgi á mótum Ánanausta og Hringbrautar. Myndband af drónaflugi yfir vinnusvæðið má sjá á tenglinum: https://youtu.be/BQGGxsixsuQ

Fréttasafn