Almennar fréttir

23. janúar 2015

Oft veltir lítil þúfa þungu hlassi

Und­an­farn­ar vik­ur hef­ur mat­reiðslu­bók­in Röggu­rétt­ir selst mjög vel en hún er styrktarverkefni tveggja starfsmanna ÍAV, hennar Röggu (Ragnheiðar Ketilsdóttur) og Auðar Steinardóttur.

Í dag var Umhyggju, félagi til stuðnings langveikra barna afhentur afrakstur verkefnisins. Umhyggja fékk tékka að upphæð 700 þúsund og rúmlega það. Þetta var ekki Tékki eins og þeir sem fara illa með landsliðið okkar í handbolta heldur alvöru millifærsla J

Ragna K. Marinósdóttir veitt styrknum móttöku á skrifstofu ÍAV í dag og við óskum félaginu velfarnaðar. Ragna sagði við þetta tækifæri að þetta kæmi sé óskaplega vel og þau gætu nú hjálpað fleiri fjölskyldum sem eru í þeirri stöðu að þurfa á aðstoð að halda.

Hér má sjá nokkrar myndir frá viðburði dagsins. Smelltu á myndina!

Twitter Facebook
Til baka

Seðlabanki Íslands
27. janúar 2023

Seðlabanki Íslands

Samningur um endurbætur og stækkun á byggingu Seðlabanka Íslands var undirritaður rafrænt þann 29. desember. Verkið felst í að rífa niður og endurbyggja rými á jarðhæð, 1. hæð og 2. hæð ásamt því að reisa nýbyggingu í hjarta bankans í tengslum við aðalinngang og móttöku.

Nýtt knattspyrnuhús fyrir íþróttafélagið Hauka
22. desember 2022

Nýtt knattspyrnuhús fyrir íþróttafélagið Hauka

Samningur um byggingu 1. áfanga nýs knatthúss fyrir íþróttafélagið Hauka á svæði félagsins á Völlunum í Hafnarfirði var undirritaður í ráðhúsi Hafnarfjarðar þann 28. nóvember. Um er að ræða reisingu og heildarfrágang á stálgrindarhúsi með steyptum veggjum yfir löglegan knattspyrnuvöll þar sem fram eiga að geta farið keppnisleikir í hvaða móti sem er. Enn fremur verður steypt þjónustubygging við enda vallarins sem ekki verður gengið frá að innan. Af tilefni undirritunar samningsins höfðu Hafnfirðingar látið baka glæsilega tertu í líki hússins

Fréttasafn