Ríkharður Kristjánsson verkfræðingur heiðraður
-
Ríkharður tekur við viðurkenningunni af forseta Íslands, Hr. Ólafi Ragnari Grímssyni. -
Heiðursverðlaunahafarnir til vinstri frá forseta Íslands: Ríkharður Kristjánsson, Sigurjón Arason, Albert L. Albertsson, Ingvar Birgir Friðleifsson og Sigmundur Guðbjarnarson.
Í gær, sumardaginn fyrsta, var Ríkharði Kristjánssyni veitt aldarviðurkenning Verkfræðingafélags Íslands fyrir störf sín á 100 ára afmælisfagnaði félagsins í Hörpu.
Ríkharður er heiðraður fyrir forystu og frumkvöðlastarf sitt í þágu verkfræðilegrar vinnu á Íslandi eða eins og segir í viðurkenningarskjalinu: „Heiðraður fyrir forystu og samræmt átak til að losna við alkalívirkni og aðrar skemmdir úr íslenskri steinsteypu og sameina tæknilega og fagurfræðilega snjallar lausnir við hönnun brúa, menningarbygginga og sýninga til landkynninga erlendis“.
Ríkharður hefur komið að hönnun og ráðgjöf margra mannvirkja á Íslandi og hefur einnig verið fenginn til að sinna ráðgjöf vegna mannvirkja erlendis. Hann hefur áður hlotið viðurkenningar og verðlaun vegna þekkingar sinnar á verkfræðilegum málefnum.
Við óskum Ríkharði innilega til hamingju með viðurkenninguna og er hann vel að henni kominn.
