Almennar fréttir

21. desember 2007

Samið um kaup á tæknibúnaði fyrir tónlistarhús

Nýverið var undirritaður samningur við austurríska fyrirtækið Waagner-Biro, vegna kaupa á búnaði fyrir tónlistar- og ráðstefnuhúsið við austurhöfn.

Sigurður Ragnarsson framkvæmdastjóri Austurhafnarverkefnis undirritaði samninginn fyrir hönd ÍAV og Walter Weinwurm fyrir hönd Waagner-Biro. Waagner-Biro var valið til verksins eftir útboð að undangengnu forvali. Innifalið í samningnum er meðal annars hljómskjöldur í tónleikasal, svokallaðir bannerar sem stýra hljómgæðum, ýmiss stýribúnaður og tæknikerfi, hringsvið, kvikmyndatjald, píanó- og sviðslyftur. Fyrsti hluti búnaðarins kemur til landsins í apríl á næsta ári, en meginhluti hans verður settur upp árið 2009.

Fyrirtækið Waagner-Biro er með höfuðstöðvar í Vín í Austurríki og á sér um 150 ára sögu. Það hefur getið sér gott orðspor varðandi búnað í tónlistarhús um allan heim og væntir ÍAV mikils af samstarfi við þá.

Twitter Facebook
Til baka

Römpum upp Reykjavík
12. mars 2021

Römpum upp Reykjavík

ÍAV er stofnaðili Römpum upp Reykjavík sem var hrundið af stað í gær 11.mars 2021. Markmiðið að koma fyrir 100 römpum í Reykjavík fyrir fólk á hjólastólum, eins fljótt og auðið er.

Fréttasafn