Almennar fréttir

08. apríl 2008

Samningar um Bolungarvíkurgöng undirritaðir

Skrifað hefur verið undir samninga um gerð Bolungarvíkurganga milli ÍAV og Marti Contractors frá Sviss og Vegagerðarinnar. Undirritunin fór fram í Ráðhúsinu í Bolungar­vík þriðjudaginn 8. apríl s.l.

Íslenskir aðalverktakar og Marti Contractors áttu lægsta tilboðið í jarðgangagerðina en tilboðið hljóðaði uppá 3.479.000.000.- kr eða tæpa þrjá og hálfan milljarð króna sem er um 88 % af áætluðum kostnaði. Tilboð í göngin voru opnuð hjá Vegagerðinni22. janúar s.l.

Vegagerðin auglýsti síðsumars árið 2007 eftir þátttakendum í forval vegna jarðganga milli Hnífsdals og Bolungarvíkur, ásamt byggingu tilheyrandi forskála og vega.

Um er að ræða 8,7 metra breið, 5,1 km löng jarðgöng, byggingu um 310 metra langra steinsteyptra vegskála, gerð um 3,0 km langra vega og byggingu tveggja steinsteyptra brúa yfir Hnífsdalsá og Ósá.

Undirbúningur framkvæmda er þegar kominn í gang og munu þær hefjast strax í byrjun maí með aðstöðusköpun og mokstri inn að berginu. Ráðgert er að byrja að sprengja sjálf göngin síðsumars.

Næsta vetur verður gangnagerðinni svo haldið áfram og sumarið 2009 verður unnið við vegskála og vegagerð í tengslum við göngin. Gert er ráð fyrir að göngin sjálf verði að fullu grafin í október 2009 og í framhaldi af því verði ráðist í vegagerð og frágang inni í göngunum sem reiknað er með að verði tilbúin í júlí 2010.

Um 40 starfsmenn munu vinna að jafnaði að framkvæmdinni en þeir geta orðið um 60 þegar mest verður. Verkefnisstjóri er Rúnar Ágúst Jónsson frá ÍAV.

Twitter Facebook
Til baka

Framkvæmdir við Brimketil - áfanga 2
21. júní 2022

Framkvæmdir við Brimketil - áfanga 2

Framkvæmdir við Brimketil áfanga 2 gengu vel þrátt fyrir erfiðar aðstæður vegna brims og flóðs. ÍAV sá um að stækka útsýnispallinn þannig að fólk komist nær stóra Brimkatlinum og bæta aðgengi að stiga. Verk lauk í byrjun júní.

Njálsgata 65
24. maí 2022

Njálsgata 65

Það líður að verklokum á Njálsgötu 65. Verk hófst nóvember 2021. Um er að ræða 12 innréttaðar íbúðri og uppsetning á flóttastiga. Verkkaupi er Félagsbústaðir og húsnæðið er ætlað sem endurhæfingarhúsnæði fyrir konur, sem hafa lent í félagslegum áföllum af ýmsu tagi. Þarna mun hver einstaklingur dvelja í um tvo til þrjá mánuði.

Skíðalyftur í Bláfjöllum - fyrsta skóflustungan
28. apríl 2022

Skíðalyftur í Bláfjöllum - fyrsta skóflustungan

ÍAV tekur þátt í byggingu tveggja nýrra skíðalyfta í Bláfjöllum. Lyfturnar heita Gosi, sem verður á Suðursvæði, og Drottning, sem verður við Kóngsgil. Þær munu leysa af hólmi eldri lyftur sem bera sömu nöfn. Um er að ræða fjögurra sæta stólalyftur og er verkið er unnið í samstarfi við austuríska lyftuframleiðandann Doppelmayr, sem jafnframt er aðalverktaki verksins. ÍAV mun sjá um jarðvinnu, steypu á undirstöðum fyrir möstur og endastöðvar ásamt reisingu stálgrindarhúsa yfir botnstöðvum og stólageymslu o.fl. Doppelmayr mun síðan sjá um uppsetningu sjálfra lyftanna og alls búnaðar tengdum henni. Fyrsta skóflustunga var tekin núna í vikunni og eru framkvæmdir því formlega byrjaðar.

Fréttasafn