Samningur um byggingu annars áfanga Sjálandsskóla
Karl Þráinsson aðstoðarforstjóri ÍAV og Sævar Þorbjörnsson framkvæmdastjóri Fasteignar hf. undirrituðu samning um byggingu annars áfanga Sjálandsskóla. ÍAV byggði einnig fyrsta áfanga skólans á árunum 2004-2005.
Framkvæmdin felst í því að reisa um 3000 fermetra tengibyggingu við núverandi skólabyggingu. Tengibyggingin mun vera staðsett við sjóinn og gangurinn sem tengir byggingarnar saman mun liggja yfir Vífilstaðarlækinn. Tengibyggingin mun m.a. hýsa sundlaug, íþróttasal og mötuneyti.
Jarðvinna hafin, unnið er að aðstöðusköpun en einnig er steypuvinna að fara hefjast. Gert er ráð fyrir því að um 40-50 manns muni vinna að verkinu þegar mest verður. Verklok eru í júlí 2009.
Viðbyggingin er vinstra megin við lækinn.
